Tuesday, November 12, 2013

ဘုရားကျောင်းပိုင်နက် အငြင်းပွားမှု ကမ္ဘောဒီးယားအနိုင်ရ

0 comments


ထိုင်းနဲ့ ကမ္ဘောဒီယား နှစ်နိုင်ငံနယ်စပ် ရှေးဟောင်းဘုရားကျောင်းကြီးရှိတဲ့ နယ်နမိတ်တ၀ိုက်ဟာ ကမ္ဘော ဒီးယားနိုင်ငံပိုင် နယ်မြေဖြစ်တယ်လို့ ကုလသမဂ္ဂ အဆင့်မြင့်တရားရုံးက ဆုံးဖြတ်ချက် ချမှတ် လိုက်ပါတယ်။

နှစ်ပေါင်း ၉၀၀ သက်တမ်းရှိပြီဖြစ်တဲ့ ဖရာ့ဝိဟာ (Preah Vihear) ဟိန္ဒူ ဘုရားကျောင်း တ၀ိုက် နယ်မြေဟာ ကမ္ဘောဒီယားနိုင်ငံရဲ့ အချုပ်အခြာပိုင် နယ်မြေဖြစ်တယ်ဆိုပြီးတော့ နိုင်ငံတကာ တရားရုံး ကနေ တနင်္လာနေ့မှာ အမိန့်ချမှတ် လိုက်တာပါ။

ထိုင်းနဲ့ကမ္ဘောဒီယား ၂ နိုင်ငံစလုံးရဲ့ ၀န်ကြီးချုပ်တွေက တရားရုံးရဲ့ ဆုံးဖြတ်ချက် အတိုင်း လိုက်နာပါ မယ်လို့ ပြောဆိုထားကြပေမယ့် ဒီတရားရုံးရဲ့ ဆုံးဖြတ်ချက်ကြောင့် အကြမ်းဖက် မှုတွေ သွေးထွက် သံယိုမှုတွေ ဖြစ်လာနိုင်ခြေရှိတယ်ဆိုပြီး စိုးရိမ်ကြတဲ့အကြောင်း ၂ နိုင်ငံစလုံးမှာ ရှိတဲ့ လေ့လာ သုံးသပ်သူတွေ က ပြောဆိုကြပါတယ်။

ဘုရားကျောင်းဟာ ကမ္ဘောဒီးယားအပိုင်ဖြစ်တယ်ဆိုတာကို ထိုင်းတွေက အသိအမှတ်ပြုကြပါတယ်။ ဒါပေမယ့် ဘုရားကျောင်းတ၀ိုက်နဲ့ ဘုရားကျောင်းကို သွားတဲ့ အဓိကလမ်းဟာ ထိုင်းပိုင် နယ်မြေ ဖြစ်တယ်လို့ ထိုင်းတွေက ပြောဆိုနေကြတာပါ။

ဒီနယ်မြေပိုင်ဆိုင်မှု အရေးနဲ့ ပတ်သက်ပြီး ၂၀၁၁ ခုနှစ်အတွင်း ၂ နိုင်ငံအကြား ပစ်ခတ် တိုက်ခိုက်မှုတွေဖြစ်ခဲ့ရသလို လူတွေ ဒါဇင်နဲ့ချီ သေဆုံးခဲ့ရပြီး အနီးတ၀ိုက်မှာရှိတဲ့ ထောင်သောင်းချီတဲ့ ရွာသူရွာသားတွေ ထွက်ပြေးခဲ့ကြရပါတယ်။

Leave a Reply

 
Shan News © 2011 DheTemplate.com & Main Blogger. Supported by Makeityourring Diamond Engagement Rings

You can add link or short description here