UNODC လွိုင်လင်ရုံးခွဲ ကျေးလက်ထောက်ပံ့မှု မမျှတဟု ရွာသားများဝေဖန်

သျှမ်းပြည်တောင်ပိုင်း လွိုင်လင်ခရိုင် လွိုင်လင်မြို့၌  ဖွင့်လှစ်ထားသော ကုလသမဂ္ဂမူးယစ်ဆေးဝါးနှင့် ရာဇဝတ်မှုဆိုင်ရာ  UNODC ရုံးခွဲသည် တချို့ရွာများကို အပြည့်အ၀ ထောက်ပံ့သော်လည်း တချို့ရွာ များမှာမူ ထောက်ပံ့မှု လုံးဝမရသေးကြောင်း ဒေသခံများ ပြောပြချက်အရ သိရှိရသည်။

“သူတို့က လူမျိုးရေး ခွဲခြားပြီး ကူညီထောက်ပံ့တယ်။ ကူညီမှု လိုအပ်တာချင်း အတူတူ ပအိုဝ်းရွာ ၄-၅ ရွာရရင် သျှမ်းရွာတရွာဘဲ ရတယ်။ ပအိုဝ်းရွာက ရေလိုရင် ချက်ချင်းရေသွယ်ပေးတယ်” ဟု ပင်လုံ မြို့နယ်ခွဲမှ ရွာသားတစ်ဦးက ပြောပါသည်။

ဒေသဖွံ့ဖြိုးရေး စီမံကိန်းအတွက် UNODC က လွိုင်လင်မြို့၌ ရုံးခွဲဖွင့်လှစ်ထားကြောင်း၊ ၂၀၁၂ မှစ၍ လွိုင်လင်မြို့နှင့်ပင်လုံမြို့အတွင်းရှိ ကျေးရွာများ၊ တောင်ပေါ်ကျေးရွာများအား ကူညီထောက်ပံ့ခဲ့ ကြောင်း၊ လမ်းဖောက် တံတားဆောက် ရေသွယ်တန်းပေးကာ ကျန်းမာရေးအဆောက်အဦးများ ဆောက်လုပ်ပေးကြောင်း၊ စိုက်ပျိုးရေးသုံး ပစ္စည်းကိရိယာများလည်း ထောက်ပံ့ကြောင်း ဆိုပါသည်။

“UNODC ဆိုတာ လူမျိုး ဘာသာ မခွဲခြားဘဲ ကူညီထောက်ပံ့တဲ့ အဖွဲ့လေ။ ဒါပေမဲ့ လက်အောက် ဝန်ထမ်းတွေက လူမျိုးရေး ခွဲခြားတယ်။ လူမျိုးခွဲခြားပြီး ထောက်ပံ့တာကတော့ မဖြစ်သင့်ဘူး။ မျှမျှတတ ဖြစ်သင့်တယ်” ဟု ပင်လုံမြို့မိမြို့ဖတစ်ဦးကလည်း ပြောပါသည်။

လိုက်လံကွင်းဆင်းကြည့်ရှုကာ ကူညီထောက်ပံ့မည်ဟု ပြောဆိုသော်လည်း အကူအညီ မရရှိသေးသည့် ရွာများမှာ ဝမ့်နောင်-ဝမ့်ကုန်း၊ ဝမ့်ပန်အွတ်၊ ဟိုင်းနန်း စသည့်ရွာများဖြစ်သည်ဟု ဆိုပါသည်။

 သျှမ်းသံတော်ဆင့်

Read more...

သျှမ်းပြည်တပ်မတော် SSPP/SSA နှင့် အစိုးရတပ်အကြား စစ်ရေးပြန်လည်တင်းမာ

သျှမ်းပြည်မြောက်ပိုင်း တန့်ယန်း အခြေစိုက် တပ်ရင်း တရင်း နှင့် သျှမ်းပြည်တပ်မတော် SSPP/SSA တို့ အကြား နယ်မြေစိုးမိုးရေး ကိစ္စကြောင့် နှစ်ဘက်စစ်ရေးတင်းမာနေကြောင်း ဒေသအတွင်းသတင်းက ဆိုသည်။

သျှမ်းပြည်တပ်မတော် SSPP/SSA စစ်ကြောင်းတကြောင်း (ဓါတ်ပုံ- SSPP/SSA)

“အခုက တန်းယန်းမြို့နယ် နဲ့ မိုင်းရှူးမြို့နယ် ကြားက ဒေသတွေမှာပေါ့။ ကျနော်တို့ ထိန်းချုပ်နယ်မြေထဲ ကို အစိုးရတပ် ခလရ ၃၃ က ဝင်ရောက်လှုပ်ရှားချင်တယ်။ ကျနော်တို့က ခွင့်ပြုလို့မရဘူးလေ။ ပြည်ထောင်စုနေ့ မတိုင်ခင် ၂-၃ ရက်လောက်က ဖြစ်တာ၊ အခုထိ သိပ်မကျေလည်သေးဘူး” - ဟု ဒေသအတွင်း အမည်မဖေါ်လို သည့်ကေဒါတဦးက ပြောပါသည်။

ဖေဖေါ်ဝါရီ ၉ ရက်နေ့က သျှမ်းပြည်မြောက်ပိုင်းတန့်ယန်းမြို့နယ် နမ့်လောဝ်းကျေးရွာအုပ်စု လွယ်လန်းအခြေ စိုက် တပ်ရင်း ၁၉၂ ထိန်းချုပ်နယ်မြေအတွင်း အစိုးရတပ် ခလရ ၃၃ မှ လူအင်အား ၆၀ ခန့်ရှိ စစ်ကြောင်း တကြောင်းက ဝင်ရောက်လှုပ်ရှားရန်အတွက် အကြောင်းကြားလာကြောင်း၊ သျှမ်းပြည်တပ်မတော်ဘက်မှ ခွင့်မပြုနိုင်သေးဟု ပြန်လည်ဖြေကြားကြောင်း၊ သို့သော် အစိုးရတပ်က ဂရုမစိုက်ဘဲ ဝင်ရောက်လှုပ်ရှားရာ  သျှမ်းပြည်တပ်မတော်၏ လုံခြုံရေးအရထောင်ထားသော မိုင်းဗုံးနှင့် ဝင်တိုးမိသောကြောင့် သေကြေဒဏ်ရာ ရသူ ၄ ယောက်ထက်မနည်းရှိခဲ့ကြောင်း - နီးစပ်သူများကပြောပါသည်။

အဆိုပါနီးစပ်သည့်အသိုင်းအဝိုင်းက အစိုးရတပ် ၄ ဦးသေဆုံးသည်ဟုပြောသော်လည်း သျှမ်းပြည်တပ်မတော် ပြောခွင့်ရ ဗိုလ်မှူးစိုင်းလက - “ တိုက်ပွဲဖြစ်ပွားတာတော့မရှိပါဘူး။ ကျနော်တို့ထိန်းချုပ်နယ်မြေထဲ ဝင်ဖို့ သူ တို့ တောင်းဆိုတယ်။ ကျနော်တို့ဘက်က ခွင့်မပြုနိုင်ဘူးလေ။ သေကျေဒဏ်ရာရတဲ့သတင်းလဲ အတည်မပြု နိုင်သေးပါဘူး၊လောလောဆယ် အဲဒီဘက်မှာ တင်းမာမှုတော့ ရှိနေတယ်” -  ဟုပြောပါသည်။

တန့်ယန်းမြို့ - မိုင်းရှူးကားလမ်း အရှေ့ခြမ်း သံလွင်မြစ်အနောက်ခြင်းရှိ သျှမ်းပြည်တပ်မတော် SSPP/SSA ထိန်းချုပ်နယ်မြေမှ တပ်စခန်း စစ်သည်အားလုံး ကားလမ်းအနောက်ခြမ်းသို့ ဆုတ်ခွာပေးရန် အစိုးရတပ်မှ ဖိအားပေးသောကြောင့် ၂၀၁၂ နှစ်လယ်ပိုင်းကလည်း အဆိုပါဒေသအတွင်း တိုက်ပွဲ အကြိမ်ကြိမ်ဖြစ်ပွားခဲ့ဖူး သည်။

သျှမ်းပြည်တပ်မတော် SSPP/SSA သည် အစိုးရကိုယ်စားလှယ်နှင့် ဂျန္နဝါရီ ၂၈ ရက် ၂၀၁၂ က ပဏာမ အဆင့်၊ ပြည်ထောင်စုအဆင့် တို့ဖြင့်ဆွေးနွေးပြီးနောက်ပိုင်း တိုက်ပွဲပေါင်း အကြိမ် ၅၀ ကျော် ဖြစ်ပွားခဲ့သည်။ ဖြစ်ပွါးသည့် တိုက်ပွဲတိုင်း အစိုးရတပ်မှ နယ်ကျွံမှု ကျူးလွန်ခြင်း၊  သျှမ်းပြည်တပ်မတော်အား တပ်ရုပ်ရန် အင်အားသုံးဖိအားပေးမှုများရှိခြင်း ကြောင့်ဖြစ်ပွားခဲ့ ရသည် ဟု SSPP/SSA ဘက်က ပြောပါ သည်။

 သျှမ်းသံတော်ဆင့်

Read more...

ရွှေတြိဂံဒေသမူးယစ်ရာဇာအမည်ရ စိုင်းနော်ခမ်း သေဒဏ်မှ လွတ်မြောက်ရန် အလားအလာတချို့ရှိ

မဲခေါင်မြစ်အတွင်း တရုတ် ၁၃ ဦးအား သတ်ဖြတ်မှု တရားခံဟု စွပ်စွဲခံရကာ သေဒဏ်ချမှတ်ခံထား ရသည့် သျှမ်းပြည်အရှေ့ပိုင်း ရွှေတြိဂံဒေသ မူးယစ်ရာဇာ အမည်ရ စိုင်းနော်ခမ်း သည် သေဒဏ်မှ လွတ်မြောက်ရန် အလားအလာ အနည်းငယ်ရှိကြောင်း တရုတ်နယ်စပ်သတင်းများအရ သိရှိရသည်။
စိုင်းနော်ခမ်းနှင့်အဖွဲ့အား ရုံးတင်စစ်ဆေးနေစဉ် (Photo: www.NEWS.CN)

“တရုတ်သင်္ဘောမှာ တပ်ထားတဲ့ CCTV ကင်မရာမှာ ဆန်ခမ်းနဲ့ယီလိုင်းတို့ရဲ့ပုံတွေ ပါလာတယ်။ ဒါပေမဲ့ စိုင်းနော်ခမ်း တော့ မတွေ့ရဘူး။ စိုင်းနော်ခမ်း ပါတယ်ဆိုတာ အထောက်အထား မရှိတော့ သေဒဏ်က လွတ်နိုင်ဖို့ အလားအလာရှိတယ်” ဟု တရုတ်နယ်စပ်မှ ဒေသခံတစ်ဦးက ပြောပါသည်။

တဖက်၌လည်း ရုံးတင်စစ်ဆေးရာ၌ စိုင်းနော်ခမ်းက သတ်ဖြတ်ရန် အမိန့်မပေးရဟု ထွက်ဆိုထားပါ သည်။

သို့သော် တရုတ်အာဏာပိုင်များက စိုင်းနော်ခမ်း၏ ညွှန်ကြားချက်မပါဘဲ ၎င်း၏ လက်အောက်ငယ်သား များက တရုတ် ၁၃ ဦးအား သတ်ဖြတ်မည်မဟုတ်ဟု ယုံကြည်နေကြသည်။

၂၀၁၂ နိုဝင်ဘာ ၆ ရက်နေ့ တရုတ်နိုင်ငံ ယူနန်ပြည်နယ် ကူမင်းတရားရုံး(Intermediate Court)က  မဲခေါင်မြစ်အတွင်း တရုတ် ၁၃ ဦး သတ်ဖြတ်မှုဖြင့် စိုင်းနော်ခမ်းနှင့် ၎င်း၏ အပေါင်းအပါများဖြစ်ကြ သော ဆန်ခမ်း၊ ယီလိုင်းနှင့် ဂျဆီးကား တို့အား သေဒဏ်ချမှတ်ပြီး လားဟူအမျိုးသား ၂ ယောက် အနက် ဂျပိုးမှာ ဆိုင်းငံ့သေဒဏ်၊ ဂျထူးပိုးမှာ ထောင်ဒဏ် ၈ နှစ် စသဖြင့် ပြစ်ဒဏ်များ ချမှတ်ခဲ့သည်။

သေဒဏ်ချမှတ်ခံရပြီးနောက် ဒီဇင်ဘာ ၂၀ ရက် ၂၀၁၂ တွင် စိုင်းနော်ခမ်း က အယူခံဝင်ခဲ့သေးသည်။

“ရှေ့နေဆိုတာ အမှန်တရားနဲ့ အလုပ်မလုပ်ဘူး။ ဥပဒေကြောင်းနဲ့ အလုပ်လုပ်တယ်။  အမှန်တရားနဲ့ ဥပဒေကြောင်းဆိုတာ အမြဲတမ်း တူညီမနေဘူး” ဟု ထိုင်းနိုင်ငံ ဥပဒေပိုင်းဆိုင်ရာ အတိုင်ပင်ခံပုဂ္ဂိုလ် တစ်ဦးက သျှမ်းသံတော်ဆင့်အား ပြောပါသည်။

ဟောင်ကောင်ရှေ့နေတစ်ဦးက စိုင်းနော်ခမ်း သေဒဏ်မှ လွတ်မြောက်ရန် ကြိုးပမ်းလျက်ရှိပြီး အယူခံ ဝင်မှုအပေါ် ဘေကျင်း(ပီကင်း)မှ နောက်ဆုံး ဆုံးဖြတ်ချက်ကို စောင့်ဆိုင်းနေသည်ဟု ဆိုပါသည်။

မူးယစ်ရာဇာအမည်ရ ရွှေတြိဂံဒေသ၌ လှုပ်ရှားခဲ့ဖူးသော စိုင်းနော်ခမ်း အား ထိုင်းနိုင်ငံ ဒု-ဝန်ကြီးချုပ်က ဘတ် ငွေ ၂ သန်းဖြင့် ဖမ်းမိန့်ကြေငြာပြီးနောက် ဧပြီ ၂၅ ရက် ၂၀၁၂ လောဝ်နိုင်ငံမြောက်ပိုင်း၌ ဖမ်း ဆီးခြင်းခံခဲ့ရသည်။ တရုတ်နိုင်ငံသို့ လောဝ်(လာအို)အစိုးရက လွှဲအပ်ပေးပြီးနောက် ၂၀၁၂ နိုဝင်ဘာ ၆ ရက်နေ့ ယူနန်ပြည်နယ် ကူမင်းတရားရုံးက ၎င်းအား သေဒဏ်ချမှတ်ခဲ့သည်။

သျှမ်းသံတော်ဆင့်

Read more...

လက်နက်ကိုင် ပဋိပက္ခများ ဖြစ်ပွားခဲ့မှုအပေါ် ကြည့်ပါက နှစ်ဦးနှစ်ဖက် အကျိုးမရှိဘဲ တိုင်းပြည်၏ ဆုံးရှုံးမှုသာ ဖြစ်ပေါ်ခဲ့ကြောင်း နိုင်ငံတော် သမ္မတ ဦးသိန်းစိန်က ပြောကြားခဲ့သည်။

နိုင်ငံတော်သမ္မတ ဦး သိန်းစိန်၏ ဖိတ်ကြားချက်ဖြင့် (၆၆) နှစ်မြောက် ပြည်ထောင်စုနေ့ အခမ်းအနားသို့ တက်ရောက်ခဲ့ကြသည့် ငြိမ်းချမ်းရေး အဖွဲ့အစည်းများမှ တာဝန်ရှိသူများအား ဖေဖော်ဝါရီလ ၁၃ရက်နေ့က နေပြည်တော်ရှိ တောင်သူပညာပေးဧက (၅၀၀) စက်မှုလယ်ယာ စံပြစိုက်ခင်း အစည်းအဝေးခန်းမ၌ တွေ့ဆုံစဉ် နိုင်ငံတော်သမ္မတက ပြောကြားခဲ့ခြင်းဖြစ်သည်။          

 နိုင်ငံတော်သမ္မတ ဦးသိန်းစိန်က''ပဋိပက္ခများကို ခွင့်လွှတ်ခြင်း၊ သည်းခံခြင်း၊ စာနာထောက်ထားခြင်းနှင့် အပြန်အလှန် လေးစားတန်ဖိုးထားခြင်းများဖြင့်  စားပွဲဝိုင်းတွင် ဖြေရှင်းညှိနှိုင်းခြင်းသည်သာ အကောင်းဆုံးနည်းလမ်း ဖြစ်ကြောင်း၊ညှိနှိုင်းဖြေရှင်းခြင်းဖြင့် ရရှိလာသော ငြိမ်းချမ်းရေး အကျိုးဆက်ကို ပြည်သူများ ရေရှည်အကျိုး ခံစားနိုင်ရေးသည် မိမိတို့၏ တာဝန်အဖြစ်ခံယူပြီး ယာယီငြိမ်းချမ်းရေးမှ ထာဝရငြိမ်းချမ်းရေးအဆင့်ရောက်အောင် အဖြေရှာပါက ပြည်သူလိုလား တောင့်တသည့် ငြိမ်းချမ်းရေးကို မလွဲမသွေ ရရှိလာမည်ဖြစ်ကြောင်း၊ နိုင်ငံ၏ ကောင်းကျိုးဆိုးကျိုးသည် မိမိတို့ အားလုံးအပေါ်တွင် မူတည်ကြောင်း'' ဟု ပြောကြားခဲ့သည်။            

တိုင်းရင်းသားအချင်းချင်း စည်းလုံးညီညွတ်ရေးသည် တိုင်းပြည်၏ ခွန်အားဖြစ်ပြီး ကြုံတွေ့နေရသည့် လက်နက်ကိုင် ပဋိပက္ခ အမွေဆိုးများကို မိမိတို့ လက်ထက်တွင် ချုပ်ငြိမ်းပြီးပြတ်စေပြီး နောင်လာနောင်သားများအား ကောင်းမွန်သည့် အမွေကို ပေးခဲ့ရမည်ဖြစ်ကြောင်းလည်း နိုင်ငံတော်သမ္မတက ပြောကြားခဲ့သည်။            

''ပြည်သူ၏ဆန္ဒသည် လက်နက်ကိုင် ပဋိပက္ခများ ချုပ်ငြိမ်းပြီး ကမ္ဘာ့အလယ်တွင် တင့်တင့်တယ်တယ် နေထိုင်လိုခြင်းဖြစ်ကြောင်း၊ထို့ကြောင့် စားပွဲဝိုင်းတွင် ရောက်ရှိလာကြပြီးနှစ်ပေါင်း (၆၀) ကျော်ကြာ လက်နက်ကိုင် ပဋိပက္ခကို ချုပ်ငြိမ်းအောင် ဆွေးနွေးနိုင်ကြပြီဖြစ်ကြောင်း၊လက်နက်ကိုင် ပဋိပက္ခ များ ဖြစ်ပွားခဲ့မှုအပေါ် ကြည့်ပါက နှစ်ဦးနှစ်ဖက် အကျိုးမရှိကြောင်း၊ နှစ်ဦးနှစ်ဖက် စစ်သည်များ သေဆုံးခဲ့ရပြီး၊ ဇနီး၊ သားသမီး၊ ဆွေမျိုးများ၏ သောကများ၊ ဒေသခံပြည်သူများ၏ ကြောက်ရွံ့စိုးရိမ်မှုများသာ ဖြစ်ခဲ့ရကြောင်း၊ ဆုံးရှုံးမှုများသည် တိုင်းပြည်၏ ဆုံးရှုံးမှုများပင် ဖြစ်ပါကြောင်း''ဟု နိုင်ငံတော်သမ္မတက ဆက်လက်ပြောကြားခဲ့သည်။            

ထို့ပြင် နိုင်ငံကို ပြည်သူအားလုံးက ပိုင်ဆိုင်သည့်အတွက် ဒေသစွဲ၊ လူမျိုးစွဲစိတ်ဓာတ်နှင့် ပြည်ထောင်စုချစ်စိတ်တို့ ယှဉ်လာ ပါက ပြည်ထောင်စုစိတ်ဓာတ်ကိုသာ ဦးစားပေးရမည်ဖြစ်ပြီး နိုင်ငံတော်ကို သားစဉ်မြေးဆက် ပိုင်ဆိုင်နိုင်အောင် ကာကွယ်သွားရမည်ဖြစ်သည်ဟု နိုင်ငံတော်သမ္မတက ပြောကြားခဲ့သည်။              

 နိုင်ငံတော်သမ္မတနှင့် တွေ့ဆုံခဲ့သည့် တိုင်းရင်းသားလက်နက်ကိုင် အဖွဲ့ခေါင်းဆောင်များမှာ KNU မှ ဖဒိုမန်းငြိမ်းမောင်နှင့် ဖဒိုသမိန်ထွန်း၊RCSS/SSA မှ ဗိုလ်မှူးကြီး စိုင်းလှနှင့် ဗိုလ်မှူးကြီးစိုင်းငေး၊ SSPP/SSA မှ ဦးစိုင်းခွန်စိုင်းနှင့် ဦးစိုင်းနော်လိတ်၊ KNU/KNLA မှ ဗိုလ်ချုပ်စောရင်နုနှင့် ဗိုလ်ကြီး စောလားဒို၊PNLO မှ ဦးခွန်တိဆောင်နှင့် ဦးခွန်ဇွဲထို၊ NMSP မှ ဦးနိုင်တလညီ နှင့် ဦးနိုင်ကြည်ဆန်း၊ CNF မှ ဒေါက်တာရွှေခါရ်းနှင့် ဦးပူးထန်ဇဲန်၊ DKBA မှ ဗိုလ်မှူးချုပ် စောကျော်သက်နှင့် ဗိုလ်မှူးကြီးစောမောင်လေး၊ NSCN (K) မှ ဦးအန်ကန်းနှင့် ဗိုလ်ကြီးအောင်စိုင်းတို့ ဖြစ်သည်။          

 ဖေဖော်ဝါရီလ၁၃ရက်နေ့က နိုင်ငံတော်သမ္မတဦးသိန်းစိန်၊ဒုတိယသမ္မတ ဒေါက်တာစိုင်းမောက်ခမ်း၊ ပြည်ထောင်စု

ငြိမ်းချမ်းရေး ဖော်ဆောင်ရေးလုပ်ငန်း ကော်မတီတို့နှင့် ပြည်ထောင်စုနေ့ အခမ်းအနားသို့ တက်ရောက်လာသည့် တိုင်းရင်းသား လက်နက်ကိုင်အဖွဲ့များ တွေ့ဆုံ၍ ငြိမ်းချမ်းရေးလုပ်ငန်းစဉ်များ ဆက်လက်လုပ်ဆောင်ရန် ဆွေးနွေးခဲ့ကြသည်။

eleven media group

Read more...

တပ်မတော်မှ နောက်ဆုတ်ထားသော ရှေ့တန်းစခန်းတခုကို KIA ပြန်လည်နေရာယူ

လူမနေသည့် စခန်းကို သိမ်းလဲ လေသံက မပြောင်းလဲသေး။ ငြိမ်းချမ်းရေး ဆိုသည့် ကာလတွင် နောင်ဖြစ် လာမည့် ပြဿနာများကား ရင်လေးဖွယ်ပင်။

မြန်မာအစိုးရတပ်မှ တိုက်ခိုက်သိမ်းပိုက်ထားသော ကချင်လွတ်မြောက်ရေးတပ်ဖွဲ့ (KIA)၏ ရှေ့တန်း တပ်စ ခန်း တစ်ခုဖြစ်သော် ဂျော်မော် (Jaw Maw)စခန်းကို အစိုးရတပ်ဖက်မှ ဆုတ်ခွာသွားသောကြောင့် ဖေဖော် ဝါရီလ ၁၀ ရက်နေ့ က KIA တပ်ရင်း (၂၅)မှ ပြန်လည်နေရာယူလိုက်ကြောင်း သိရသည်။

KIA တပ်မဟာ (၅) အောက် တပ်ရင်း (၂၅) နယ်မြေရှိ (KIA) ဂျော်မော် (Jaw Maw) ရှေ့တန်းတပ် စခန်း ကို အစိုးရတပ်ဖက်မှ ရိက္ခာပြတ်လပ်မှုကြောင့် ဆုတ်ခွာသွားခြင်းဖြစ်သည်ဟု တပ်မဟာ (၅) အရာရှိတဦး KNG ကချင်သတင်းဌာနသို့ ပြောသည်။

“အဲဒီတပ်တွေက ငတ်ပြတ်တာ အရမ်းကြာနေပြီ။ အဲဒါကြောင့် ရွာဖက်ကို ပြည်သူ လူထုတွေ၊ စီးပွားရေး သမားေ တွဆီက ပိုက်ဆံတောင်းစား ဖို့အတွက် ဆုတ်သွားတာ။ ပစ္စည်းသေးသေးတောတောတွေ ချန်ထား တယ်။ သူတို့ကြောက်လည်း နည်းနည်းတော့ ကြောက်တဲ့သဘောပဲ။ အဲဒီမှာရှိတဲ့ ကြိတ်ဆုံတွေကို မီးရှို့ ထား တယ်။ ပြီးတော့ ဗုံးတွေထောင် ထားကြတယ်။”

အဆိုပါ အစိုးရတပ်သည် ယခုချိန် မုန်လိုင်ခကျေးရွာ (Munglai Hka) အနီးရှိ နန်အီ (Nang I) ဘက်သို့ ဆုတ် သွားကြောင်း သိရသည်။

၎င်း KIA ဂျော်မော် (Jaw Maw) ရှေ့တန်းစခန်းကို ဖေဖော်ဝါရီလ ၁ ရက်နေ့တွင် အစိုးရတပ် ခမရ (၄၃၈၊ ၃၂၀) မှ စုပေါင်းအင်အား ၂၀၀ ခန့်ဖြင့် ထိုးစစ်ဆင် တိုက်ခိုက်ခဲ့ခြင်းကြောင့် KIA တပ်မှ ၁ ဦးကျကာ ၃ ဦးဒဏ် ရာ ရှိပြီးနောက် ဆုတ်လိုက်သည့် စခန်းဖြစ်သည်။

အစိုးရတပ်သည် KIA တပ်ရင်း (၂၅) နယ်မြေအတွင်း ဆက်လက်လှုပ်ရှားနေဆဲဖြစ်ကြောင်း သိရသည်။

၎င်းစခန်းသည် မဟာဗျူဟာ ကျသည့် စခန်းမဟုတ်သော်လည်း ကချင်လွတ်မြောက် တပ်ဖွဲ့၏ အချက်အချာ ကျသည့် နေရာတခုဖြစ်ကြောင်းလည်းသိရသည်။

ယခုချိန် အစိုးရနှင့် KIO ဒီတကြိမ်တွေ့ဆုံဆွေးနွေးမှုတွင် စစ်ပြေငြိမ်းရေးကို နှစ်ဘက်ရှေ့တန်း စခန်းများ တွင် လေ့လာကြည့်ရှုဆောင်ရွက်သွားရန် သဘောတူခဲ့ပြီးနောက် ထိပ်တိုက်ရင်ဆိုင် တိုက်ပွဲဖြစ် ပွားခြင်း မရှိေ သာ် လည်း လဂျားယန် (Lajayang) အနီးဝန်းကျင်ရှိ အစိုးရတပ်သည် အချိန်ကန့်သတ်မရှိ သေနတ် များဖြင့် ရမ်းတန်းပစ်လျက်ရှိကြောင်း သိရသည်။
by KNG news

Read more...

ဗိုလ်ချုပ်ဟောင်းတဦး ဧရာဝတီလွှတ်တော်ဥက္ကဋ္ဌ ဖြစ်လာ

  ~

 

လစ်လပ်နေသည့် ဧရာဝတီတိုင်းဒေသကြီး လွှတ်တော်ဥက္ကဋ္ဌ နေရာတွင် ၀င်ရောက်လာသူမှာတိုင်းအစိုးရအဖွဲ့ဝင် ၀န်ကြီး ဗိုလ်ချုပ်ဟောင်း ဦးတင်စိုး ဖြစ်သည်။

တိုင်းလွှတ်တော် အရေးပေါ်အစည်းအဝေး (၁/၂၀၁၃) ကို ယနေ့ ခေါ်ယူကျင်းပပြီး လွှတ်တော်ဥက္ကဋ္ဌလောင်းအမည်စာရင်းများ တင်သွင်းစေခဲ့ရာ ဦးတင်စိုး တဦးတည်ကိုသာ အဆိုပြုခဲ့သည့်အတွက် ယှဉ်ပြိုင်သူမရှိဘဲ လွှတ်တော်ဥက္ကဋ္ဌအဖြစ် ခန့်အပ်ခဲ့ကြခြင်း ဖြစ်သည်။

မဲပေးသည့်စနစ်ဖြင့် ရွေးချယ်ရန် မဲပုံးများ ပြင်ဆင်ထားသော်လည်း အမည်စာရင်း တင်သွင်းမှု တခုသာ ရှိသဖြင့်  လွှတ်တော်ဥက္ကဋ္ဌ ရွေးချယ်တင်မြှောက်သည့် ကိစ္စမှာ မိနစ် ၂၀ အတွင်း ပြီးမြောက်သွားခဲ့သည်။

ဥက္ကဋ္ဌ ရွေးချယ်ခြင်းနှင့် ပတ်သက်ပြီး အမျိုးသားဒီမိုကရေစီအဖွဲ့ချုပ် (NLD) ရေကြည်မြို့နယ် ကိုယ်စားလှယ် ဒေါက်တာ ဒေါ်လှမြတ်သွေးက အောက်ပါအတိုင်း ပြောသည်။

 “ရွေးကောက်တင်မြှောက်တာ သိပ်မြန်ဆန်လွန်းတယ်။ လွှတ်တော်ကိုယ်စားလှယ်တွေရဲ့ သဘောဆန္ဒဆိုတာ သိပ်မမြင်လိုက်ရဘူး။  ဥပမာဆိုရင် ဥက္ကဋ္ဌလောင်းအတွက် လွှတ်တော်ကိုယ်စားလှယ်တွေက အမည်စာရင်းပေးသွင်းချင်တယ်ဆိုရင်တောင်မှပဲ စာရင်းပေးသွင်းဖို့အချိန်ဆိုတာ  မတွေ့လိုက်ရဘူး။ ဥက္ကဋ္ဌရွေးကောက်ပွဲက စီစဉ်ထားတဲ့အတိုင်း ဆောင်ရွက်ထားတယ်လို့ မြင်ပါတယ်”

 ဧရာဝတီတိုင်းလွှတ်တော်အတွင်း ပါတီ ၃ ခု ရှိရာ ဥက္ကဋ္ဌလောင်းအတွက် ပါတီ ၃ ခုမှ ကိုယ်စားလှယ်တဦးစီ ပါဝင်ယှဉ်ပြိုင်ကာ  မဲစနစ်ဖြင့် ရွေးချယ်မှုပြုသင့်ကြောင်း သူက ဆက်ပြောသည်။

 “၃ ပါတီစလုံးက လွှတ်တော်ကိုယ်စားလှယ်တွေ ပါဝင်သင့်တယ်။ ဒါကို ဘယ်သူမှအကောင်အထည်ဖော် မဆောင်ရွက်နိုင်ခဲ့ဘူး” ဟု ပြောသည်။

 လူမှုရေးဝန်ကြီး ဦးတင်စိုးအား လွှတ်တော် ဥက္ကဋ္ဌလောင်းအဖြစ် ကြံ့ခိုင်ရေးပါတီမှ မြောင်းမြမြို့နယ် ကိုယ်စားလှယ် ဦးပြုံးချိုက အဆိုတင်ပြီး ထိုပါတီမှ လပွတ္တာကိုယ်စားလှယ် ဦးထိန်လင်းက ထောက်ခံခဲ့သည်။

 ဧရာဝတီတိုင်းလွှတ်တော် လွှတ်တော်ကိုယ်စားလှယ်များ

ကြံ့ခိုင်ရေးပါတီ - ၄၆ ဦး
တပ်မတော်သား ကိုယ်စားလှယ် - ၁၈ ဦး
တိုင်းရင်းသားစည်းလုံးညီညွတ်ရေးပါတီ -  ၆ ဦး
NLD  -  ၁ ဦး

 စုစုပေါင်း ၇၁ ဦး 

ယခင်က လွှတ်တော်ဥက္ကဋ္ဌအဖြစ် တာဝန်ယူခဲ့သူ  ဦးဆန်းဆင့်သည် မကြာသေးခင်ကမှ  ဗဟိုအစိုးရအဖွဲ့၏ သာသနာရေးဝန်ကြီး ဖြစ်သွားသည်။

ဥက္ကဋ္ဌသစ် ဖြစ်လာသူနှင့် ပတ်သက်ပြီး  ဧရာဝတီတိုင်း လူ့အခွင့်အရေး စောင့်ကြည့်ကာကွယ်ရေးကွန်ရက် (HRWDN) မှ ကိုထွန်းထွန်းဦးက အောက်ပါအတိုင်း ပြောသည်။

 “ပထမလွှတ်တော်ဥက္ကဋ္ဌကြီးတုန်းက ကျနော်တို့ လွပ်လွပ်လပ်လပ် တွေ့ခွင့်ရပြီး ပြည်သူတွေရဲ့ အခက်အခဲကို တင်ပြခွင့်ရခဲ့ပါတယ်။ လွှတ်တော်ကလည်း  အစိုးရအဖွဲ့နဲ့ တိုက်ရိုက်ချိတ်ဆက် ညှိနှိုင်းပေးခဲ့တာတွေ ရှိပါတယ်။ အခုတက်လာတဲ့ ဥက္ကဋ္ဌကြီးလည်း ပြည်သူ့အကျိုးအတွက် ပထမဥက္ကဋ္ဌလိုပဲ ဆောင်ရွက်လိုစိတ်  ရှိမယ်လို့ထင်ပါတယ်” ဟု သူက ပြောသည်။

လွှတ်တော်ဥက္ကဋ္ဌသစ် ဦးတင်စိုးမှာ ၂၀၁၀ ရွေးကောက်ပွဲတွင် ကျုံပျော်မြို့နယ်မှ ကြံ့ခိုင်ရေးပါတီ ကိုယ်စားပြု ၀င်ရောက် ယှဉ်ပြိုင် အနိုင်ရခဲ့ကာ တိုင်းအစိုးရ ဖွဲ့စည်းချိန်ကစ၍ စိုက်ပျိုးရေးနှင့်မွေးမြူရေးဝန်ကြီး ဖြစ်လာသည်။
၂၀၁၂ ခုနှစ်ကုန်ပိုင်းတွင် လူမှုရေးဝန်ကြီးအဖြစ် ပြောင်းလဲတာဝန် ထမ်းဆောင်ခဲ့သူဖြစ်သည်။

  “အခုလွှတ်တော်ဥက္ကဋ္ဌဖြစ်သွားတဲ့ ဦးတင်စိုးအနေနဲ့ ပြည်သူတွေအတွက် အကောင်းဆုံးတော့ လုပ်ဆောင်ပေးလိမ့်မယ်လို့ မျှော်လင့်ထားပါတယ်။ ဒါပေမယ့် ပထမပုဂ္ဂိုလ်ရဲ့ စွမ်းဆောင်ရည်က သူ့အတွက် စိန်ခေါ်မှုတရပ်ဖြစ်နေတာတော့ အမှန်ပဲ”ဟု လပွတ္တာမြို့နယ် တိုင်းဒေသကြီးလွှတ်တော်ကိုယ်စားလှယ် ဦးဇော်ဝင်းက ဧရာဝတီကို ပြောသည်။

ဧရာဝတီ

Read more...

ဦးစော ဘာကြောင့် ဗိုလ်ချုပ်ကို သတ်သလဲ ဆွေးနွေးခြင်း

ယနေ့တော့ အင်မတန် အံ့သြစရာကောင်းတဲ့ ဆွေးနွေးစကားဝိုင်း တစ်ခုကို ကြုံခဲ့ရသည်။ စကားဝိုင်းတွင် ပါကြ သူ များကတော့ ကျွန်တော်၊ စစ်မှုထမ်းဟောင်းကြီး ဦးတင်ဝင်းနှင့် ကို မင်းညို တို့ဖြစ်သည်။ ဦးစော ဘာလို့ ဗိုလ်ချုပ်ကို သတ်သလဲ ခေါင်းစဉ်ကို ကို မင်းညိုက စသည်မို့ ကိုမင်းညိုအကြောင်း အနည်းတော့ ပြောပြ ပေမည်။ အသက် ၃၇ နှစ်အရွယ် ကိုမင်းညိုနှင့် စတင် တွေ့ဆုံစဉ်က သူသည် စောဘွဲ့မှူး၏ မျက်လုံးတစ်ဖက် ကန်းနေခဲ့ပါလျှက် ဘုရင်ကိုဖမ်းပြီး အကျဉ်းချဝံ့သူ ငရမန်ကန်းကြီးအား အရမ်းဂုဏ်ပြုမိတော့ ဆိုသည့် သီချင်း အတိုင်း ငရမန်ကန်းကို သတ္တိရှိသူ အဖြစ် ချီးမွမ်းခဲ့သည်။ ဦးပေါင်းကျားနှင့် မြင်းကျားရှင် ဇာတ်လမ်းတွင် ညကြီး သန်းကောင် ဦးပေါင်းကျားနှင့် မြင်းကျားကြီးကို စီးသော အလောင်းစည်သူမင်းကြီး၏ ငါမအိုသေး ဇာတ်လမ်း အား ဘုရင်မို့လို့ မသိဟန်ဆောင် လွှတ်ပေးလိုက်သည် ဆိုသည့် ဆောင်းပါးကို သူအရမ်းကြိုက်ကြောင်း ပြောခဲ့သည်။ ချစ်ဦးညို၏ လင်္ကာဒီပချစ်သူ ၀တ္တုကြီးကို သူဘာကြောင့် ကြိုက်ကြောင်းတွေလည်း ပြောတတ် သည်။ ယခု တစ်ကြိမ်တွင်တော့ သူကိုယ်ပိုင် ဖန်တီးသည့် ဇာတ်ကောင်သည် ဦးစော ဖြစ်ပေတော့သည်။

စာမဖတ်သူသည် စကားဝိုင်းတွင် ကျီးအ ကဲ့သို့ နှုတ်ဆိတ်ရသည်ဆိုသည့် အဖြစ်ကို ကျွန်တော် ကြုံလိုက် ရသည့် နေ့အဖြစ် မှတ်တမ်းဝင်ခဲ့သည်။ ဗိုလ်ချုပ်နှင့် ပတ်သက်သည့် ဆောင်းပါး၊ အတုပတ္တိများစွာ ကျွန်တော် ဖတ်ဖူးသည်။ ဗိုလ်ချုပ် ဘယ်လောက်တော်ကြောင်း ချီးမွမ်းမည် ဆိုရင်လဲ အာဘောင်အာရင်း သန်သန် ဆွေးနွေးတတ်သည်။ သို့သော် ကိုမင်းညိုမှ ဦးစော ဘာကြောင့် ဗိုလ်ချုပ်ကို သတ်သလဲ ဆိုသည့် မေးခွန်းကို ဖြေဖို့တော့ ကျွန်တော် ချက်ချင်း အဖြေမထွက်ခဲ့။ Who really Killed Aung San ဆိုသည့် Documentary ကို ကြည့်ဖို့ ပျင်းသည့် ကိုယ့်ကိုကိုယ်ပင် အပြစ်ဆိုရတော့ ပေမည်။

စကားဝိုင်းကို စသူက ကျွန်တော်။ ဗိုလ်ချုပ်မွေးနေ့မို့ ဗိုလ်ချုပ်အကြောင်းကို အစဖော်၏။ ကိုမင်းညိုကား ပြုံးပြီး နားထောင်၏။ ထို့နောက်တွင်မှ ကဲ..မောင်ရင်.. ဒါဖြင့် ဦးစော က ဘာဖြစ်လို့ ဗိုလ်ချုပ်ကို သတ်ရတာလဲ ဆိုတာ သိလား ဆိုသည့် အမေးကို စမေးလေတော့သည်။

ကျွန်တော်။ မကျေနပ်လို့ သတ်တာပေါ့ ကိုမင်းညိုရာ။ ၁၉၄၆ စက်တင်ဘာမှာ ဦးစော ကို သေနတ်နဲ့ ပစ်ပြီး လုပ်ကြံလို့ မျက်လုံးတစ်ဖက်ကွယ်ခဲ့တယ်။ ဒါကို ဗိုလ်ချုပ် ခိုင်းတယ် ဆိုပြီး ဦးစော က ညှိုးတယ်လေ။ ဒီအတွက် ပြန်သတ်တာ မဟုတ်လား။

ဦးတင်ဝင်း။ ဗိုလ်ချုပ်ကို သတ်ဖို့ အင်္ဂလိပ်က ထောက်ပံ့တယ်လေ။ အင်းယားကန်ထဲမှာပါ သေနတ်တွေ ဖွက် ထားတာကို တွေ့ခဲ့တာပဲ။ ဒါကိုကြည့်ရင် အင်္ဂလိပ်နဲ့ပေါင်းပြီး ဦးစောက ဗိုလ်ချုပ်ကို အညှိုးနဲ့ သတ်တာလို့ မှန်းရ မှာပဲလေကွာ။

ကျွန်တော်တို့ နှစ်ယောက်ရဲ့ အဖြေကို ကိုမင်းညို ဘ၀င်ကျပုံ မရ။ သူက စကားဆက်သည်။

ကိုမင်းညို။ ကျွန်တော်လည်း အဲဒါတွေ စဉ်းစားမိပါတယ်။ ဒါပေမယ့် ဦးစောအကြောင်း လေ့လာကြည့်တော့ သူဟာ ပညာတတ် ပုဂ္ဂိုလ် တစ်ယောက်ဗျ။ ကျောင်းပညာ ၅ တန်းအောင်ဆိုပေမယ့် ၁၉၂၇ မှာ အောက်တန်းရှေ့နေ စာမေးပွဲ အောင်ခဲ့တယ်။ GCBA မှာ ၀င်ပြီး ၀ံသာနု အသင်းဝင် လုပ်ခဲ့တယ်။ နန်းရင်းဝန်လဲ လုပ်ခဲ့တယ်။ ဗိုလ်ချုပ်လက်ထက်မှာ ပညာရေးဝန်ကြီးဆိုတော့ သူဟာ သာမန်တော့ မဟုတ်တန်ဘူး။ သိပ်ပြီးတော့ ရူးမိုက်တဲ့ သူတစ်ယောက်တော့လည်း မဟုတ်ဘူး။ နောက်ပြီး သူ့ကို ဖမ်းတဲ့ အချိန်မှာတောင် ၀ီစကီသောက်ပြီး ဟာသပြောနိုင်သေးတယ်။ အင်မတန်မှ သွေးအေး တဲ့သူ။

ကျွန်တော်။ အဲဒါနဲ့ ဘာဆိုင်လဲဗျာ။

ကိုမင်းညို။ သူ့အကြောင်း ပြောမယ်ဆိုရင် သူနဲ့ ပတ်သက်တာတွေကို အရင်သိအောင် လုပ်ရမှာပေါ့။ ဦးစော က တကယ့်မျိုးချစ် တစ်ယောက်ပဲ။ ဆရာစံ ကို ဖမ်းမိတော့ ဆရာစံဘက်က ရှေ့နေလိုက်တာ ဦးစောပဲ။ အင်္ဂလိပ်ဘာသာနဲ့ မြန်မာပြည်အရေးဆိုပြီး စာအုပ်ထုတ်ခဲ့ဖူးတယ်။ အင်္ဂလိပ်ကို ဝေဖန်လွန်းလို့ မောင်စော ဂဋုန် ဖြစ်ပြီ ဆိုပြီး ဂဋုန်ဦးစော ဖြစ်လာတာ မဟုတ်လား။ မြန်မာနိုင်ငံကို ဒိုမေနီယံ အုပ်ချုပ်ရေးပေးဖို့ အက်တလီနဲ့ တွေ့ပြီး ပြောခဲ့သေးတယ်။ နောက်ပြီး သူက အင်္ဂလိပ် အဖမ်းခံရပြီး ပြန်လာတာတောင်မှ မြန်မာ နိုင်ငံရဲ့ နိုင်ငံရေးမှာ အရေးပါလာခဲ့သေးတယ်လေ။

ဦးတင်ဝင်း။ ဆက်ပါအုံးဗျာ.

ကိုမင်းညို။ ကိုယ် စဉ်းစား မိတာပါ။ စပြောရမယ်ဆိုရင် အောင်ဆန်း-အက်တလီ စာချုပ်က စပြောရမှာပဲ။ အဲဒီစာချုပ်ကို လက်မှတ်သွားထိုးတော့ ကိုယ်စားလှယ်အဖွဲ့မှာ ဦးစောက ပညာရေးဝန်ကြီး အနေနဲ့ ပါတယ်။ ဒါပေမယ့် အဲဒီ စာချုပ်မှာ ဦးစောနဲ့ သခင်ဗစိန်က လက်မှတ် မထိုးခဲ့ဘူး။ ဒီအချက်တွေကို ကြည့်ရင် ဦးစောဟာ ဗိုလ်ချုပ်တို့ လွတ်လပ်ရေး ကြိုးပမ်းစဉ် တစ်လျှောက်မှာ အတူပါခဲ့တယ်။ မြန်မာနိုင်ငံ လွတ်လပ်ရေး ရဖို့ အတွက် သူလည်း ကိုယ်စွမ်းဥာဏ်စွမ်း ပါဝင်ခဲ့တယ်လို့ ပြောလို့ ရတယ် မဟုတ်လား။

ကျွန်တော်နှင့် ဦးတင်ဝင်း နှစ်ယောက်မှာ ဇဝေဇ၀ါ ဖြင့် သူ ဘာကို ဆိုလိုချင်မှန်း သိပ်နားမလည်။ တကယ်တမ်း ပြောရမည် ဆိုလျှင် အောင်ဆန်း-အက်တလီစာချုပ်ကို ငယ်တုန်းက သမိုင်းမှာ သင်ဖူးသည်ကလွဲပြီး သေချာ မသိ။ အောင်ဆန်း-အက်တလီ စာချုပ်ကြောင့် ပင်လုံ ကျင်းပရသည် ဆိုတာကိုတော့ အကြမ်းဖျင်းသိသည်။ ဦးစောနှင့် ဘယ်လို ဆက်စပ်သည်ကိုတော့ အသေအချာ မသိသည်မို့ သူ့စကား အဆက်ကိုသာ နားထောင် ရတော့သည်။

ကိုမင်းညို။ နောက် တစ်ချက်က ဦးစောကလည်း နိုင်ငံခြားပြန် ပညာတတ်တစ်ယောက်ပဲ။ အဲဒီခေတ်က ခေါင်း ဆောင်တွေ အားလုံးဟာ နိုင်ငံရေး ယုံကြည်ချက်တွေ ပြင်းထန်ကြတယ်။ အဲဒီထဲမှာ ဦးစောလဲ တစ်ယောက် အပါအ၀င်ပေါ့။ သူတို့ စပြီး အဲဒီမှာ ကွဲကြပုံရတယ်။

ကျွန်တော်။ ဘယ်လို ကွဲကြတာလဲဗျ.

ကိုမင်းညို။ ဗိုလ်ချုပ်က တစ်နိုင်ငံလုံး လွတ်လပ်ရေး ရချင်တယ်။ တောင်တန်းပြည်မ အားလုံး အတူရချင်တယ်။ အဲဒီအချိန်မှာတော့ ဦးစောက မဖြစ်နိုင်ဘူးလို့ တွေးချင်လဲ တွေးမှာပေါ့။ ပင်လုံညီလာခံကြီး ကျင်းပတော့ ဗိုလ်ချုပ်က ကတိတွေ ပေးခဲ့တယ်။ ခွဲထွက်ခွင့်တွေ၊ ကိုယ်ပိုင် အုပ်ချုပ်ခွင့်တွေ အများကြီးပဲ။ ဒါတွေကို ဦးစော က ကန့်လန့်တိုက်တာတွေတော့ မကြားဖူးဘူး။ ဆိုလိုတာက ပင်လုံ ညီလာခံအပြီးမှာ တစ်နိုင်ငံလုံး လွတ်လပ် ရေး ရတာကို ဦးစောလဲ ဗိုလ်ချုပ်တို့နဲ့ အတူ လက်ခံသွားတာ ဖြစ်နိုင်တယ်။

ဦးတင်ဝင်း။ ကြိတ်ကြံနေတာလဲ ဖြစ်နိုင်တာပဲ။ ကျွန်တော်တို့မှ သူ့အကြောင်း မဖတ်ဖူးတာ။
ကိုမင်းညို။ ကိုတင်ဝင်း ထင်တာလဲ ဖြစ်နိုင်ပါတယ်။ ဒါပေမယ့် ပင်လုံညီလာခံကြီးက သဘောတူတဲ့ အချက် တွေ က တစ်ချို့ မြန်မာ ခေါင်းဆောင်တွေ လက်မခံနိုင်စရာတွေ အများကြီးပါတယ်လေ။ ဖြစ်စဉ်တစ်ခုမှာ ဗိုလ် ချုပ်မပါတဲ့ အစည်းအဝေးတစ်ခု ကျင်းပတယ်။ အဲဒီမှာ ပင်လုံက သဘောတူညီချက်တွေ ပြောတော့ ဗိုလ်ချုပ် ပြောတာဆိုပြီး ဆက်မဆွေးနွေးလို့ တိုင်းရင်းသားခေါင်းဆောင်တွေ ဒေါသထွက်ကြတယ်။ နောက်မှ ဗိုလ်ချုပ်က ခေါ်ပြီး ပြန်ရှင်းရတယ်။ အဲဒီမှာတင် ဗိုလ်ချုပ်ပေးတဲ့ ကတိတွေနဲ့ တစ်ခြားသူတွေကြားမှာ အမြင်မကြည်တာ တွေ ရှိလာပြီ မဟုတ်လား။

သူပြောပုံအရဆိုရင် ဗိုလ်ချုပ်တစ်ယောက်ထဲပဲ ပင်လုံနဲ့ ပတ်သက်တာတွေ ပြောခဲ့သယောင်ယောင်မို့ အချက် အလက်တွေကို ခေါင်းပူအောင် စဉ်းစားပေမယ့် ချက်ချင်း မထွက်တာမို့ အလိုက်သင့်သာ သူ့ကို ဆက်ပြော စေခဲ့သည်။

ကိုမင်းညို။ ပင်လုံညီလာခံလဲ ပြီးပြီ။ ဗမာပြည်လဲ လွတ်လပ်ရေး ရတော့မယ်။ ဗိုလ်ချုပ်ပေးတဲ့ ကတိတွေ ကြောင့် တိုင်းရင်းသားတွေကလဲ အဲဒီအချိန်မှာ ပြင်ဆင်နေပြီ။

ဦးတင်ဝင်း။ ဘာကို ပြင်ဆင်တာလဲ။ ရှင်းရှင်းပြောပါဗျာ။

ကိုမင်းညို။ လာမှာပေါ့ ကိုတင်းဝင်းရာ။ တိုင်းရင်းသားတွေ လိုချင်တာက ခွဲထွက်ခွင့်လေ။ စော်ဘွားတွေ၊ ပဒေသရာဇ်တွေ မဟုတ်လား။ လွတ်လပ်ရေး ရဖို့ ကတိတွေ ရပြီးပြီ ဆိုတဲ့နောက် ကိုယ့်အာဏာ ကိုယ်တည် ဆောက်ဖို့ ပြင်ကြပြီပေါ့ဗျာ။

အခုထိတော့ ကျွန်တော်လည်း သဘောမပေါက်သေး။ ကိုမင်းညို ဘာကို ပြောချင်သည့်အတွက် ဒီလောက် စကား ရှည်နေလဲ ဆိုတာလဲတွေး မရသေး။

ကျွန်တော်။ ကဲ..ကိုမင်းညို. ဒဲ့သာပြောဗျာ။ ခင်ဗျားစကား နားထောင်ရတာလဲ တကယ့်အခက်ပဲ။
ကိုမင်းညို။ ကျွန်တော် ပြောချင်တဲ့ အချက်ရောက်ပါပြီ။ လွတ်လပ်ရေး ရရင် ပဒေသရာဇ်တွေ စော်ဘွားတွေက ခွဲထွက်ခွင့်တောင်းမယ်၊ ဗိုလ်ချုပ်ကလဲ ကတိခံထားတာမို့ ပေးကို ပေးရမယ်။ မပေးဘူး ဆိုရင် အင်္ဂလိပ် လက် ကျန်နဲ့ လွတ်လပ်ပြီးစမှာ စစ်ခင်းရတာတွေ၊ စည်းရုံးရတာတွေနဲ့ တိုင်းပြည် တည်ဆောက်နိုင်မှာ မဟုတ်တော့ ဘူး။ ဒီတော့ လုပ်စရာက တစ်ခုပဲ ရှိတော့တယ်။ ကျွန်တော်တို့ ဆွေးနွေးတဲ့ ခေါင်းစဉ် ပေါ့ဗျာ.

ကိုတင်ဝင်း။ ဟာဗျာ.. မဖြစ်နိုင်တာ။

ကျွန်တော်။ ကိုမင်းညို ပြောပုံအရ ဆိုရင် ပြည်ထောင်စုကြီး ခွဲထွက်မှာ စိုးလို့ ဦးစောကပဲ ဗိုလ်ချုပ်တို့ကို အနစ် နာခံပြီး သတ်ပေးလိုက်သလို ဖြစ်နေပြီ။ မတန်မရာဗျာ။

ကိုမင်းညို။ ဒါလဲ ခင်ဗျားတို့ အတွေးနဲ့ ခင်ဗျားတို့လေဗျာ။ ကျွန်တော် သိတာက ဦးစောဟာ ပညာတတ်။ တွေး တတ် စဉ်းစားတတ်တယ်။ အမျိုးသား ခေါင်းဆောင်တွေကို လုပ်ကြံပြီး သူလွယ်လွယ် လွတ်ချင်ရင် လေယာဉ် နဲ့ နိုင်ငံကူးမှာပေါ့ဗျာ။ နောက်ပြီး သူ့အမျိုးတွေ အကုန် အပြင်ကို လွှတ်မှာပေါ့။ ဒီထက်ပိုပြီး ကြံစည်ချင်တယ် ဆိုရင် ပိပိရိရိ ကြံလို့တောင် ရသေးတယ်။

ဗိုလ်ချုပ်တို့ အသတ်ခံရချိန်တွင် ပြည်သူများက ဦးစောအိမ်ကို ခဲနဲ့ပေါက်၊ စာတွေ ကပ်၊ ဆဲဆိုကြသည်မှာ လည်း ထိန်းမရခဲ့။ ဦးစော မိသားစု များသည်လည်း မြန်မာနိုင်ငံတွင် ရပ်တည် မရခဲ့။ ထိုသို့သော ဝေဒနာ များ ကို ဖြစ်လာမည်ကို သိပါလျှက် ဦးစော ဘာကြောင့် ကျေကျေနပ်နပ် ကြိုးစင်တက်သွားသည် ဆိုသည့် အတွေး ကို ကျွန်တော် တွေးမိလိုက်သည်။ သေချာသည်ကား ကျွန်တော် ကိုမင်းညိုကို တုန့်ပြန်ပြောနိုင်ဖို့ စာဖတ် ရအုံး ပေမည်။

ကျွန်တော်။ ကဲ..ဟုတ်ပါပြီဗျာ။။ ဒီနေ့တော့ ဒီလောက်ပဲ။ နောက်အပတ် တွေ့မယ်ဗျာ။ ကျွန်တော် နည်းနည်း လေ့လာလိုက်အုံးမယ်။ လုံးဝတော့ လက်မခံနိုင်သေးဘူးဗျို့။

ကိုမင်းညို။ ကောင်းပါပြီကွာ။ လေ့လာပေါ့။ ခင်ဗျားတို့ စာဖတ်လေ ကျွန်တော် ဗဟုသုတ တိုးလေပဲ။ နောက် အပတ် ဆွေးနွေးကြတာပေါ့ဗျာ။

စကားဝိုင်း ဤတွင် ပြီးခဲ့သည်။ ကျွန်တော်ရဲ့ စာဖတ်သူများ ကျွန်တော့်အတွက် ကိုးကားစရာနှင့် ကိုမင်းညို၏ ပြောစကားအပေါ် သုံးသပ်မှုများအား မျှော်လင့်ပါသည်။

opposite eye

Read more...

Cobra Gold တွင် မြန်မာနိုင်ငံ၏ စစ်အသုံးစရိတ်နှင့် ပတ်သက်၍ ဆွေးနွေး အကြံပေး

ဖေဖော်ဝါရီ ၁၄၊ ၂၀၁၃ အမေရိကန်စစ်တပ် ဦးဆောင်ပြီးတော့ ထိုင်းနိုင်ငံတွင်းမှာ နှစ်စဉ် ပြုလုပ်တဲ့ Cobra Gold စစ်ရေးလေ့ကျင့်မှုကို တနင်္လာနေ့ ကစပြီး ပြုလုပ်ခဲ့တာမှာ မြန်မာ လက်နက်ကိုင်တပ်ဖွဲ့တွေ ပထမဆုံး ဖိတ်ခေါ်ခြင်း ခံရပါတယ်။ Cobra Gold စစ်ရေးလေ့ကျင့် မှုဟာ အာရှဒေသတွင်းမှာ နိုင်ငံပေါင်းစုံပါဝင်တဲ့ အကြီးမားဆုံး စစ်ရေးလေ့ကျင့်မှုလည်း ဖြစ်ပါတယ်။ အမေရိကန်နှင့် မြန်မာတို့ ပထမဆုံး စစ်ရေးဆိုင်ရာ ပူးတွဲလုပ်ဆောင်မှုဟု သတ်မှတ်နိုင်ပြီး Cobra Gold စစ်ရေး လေ့ကျင့်မှုတွင် အင်ဒိုနီးရှား၊ ဂျပန်၊ မလေးရှား၊ စင်္ကာပူနဲ့ ကိုရီးယားနိုင်ငံတို့က စစ်တပ်တွေ အပြည့်အ၀ ပါဝင်ပြီး လေ့ကျင့်ကြပါတယ်။

အမေရိကန် သာမက ဒေသတွင်းနိုင်ငံ များနှင့် နှိုင်းယှဉ်ပါက မြန်မာစစ်သုံးစရိတ်သည်အလွန် နည်းပါးလျှက်ရှိပြီး ခေတ်မှီ စစ်လက်နက်ပစ္စည်းများလည်း အလွန်နည်းပါးနေသေးသဖြင့် မြန်မာစစ်တပ် စစ်သုံးစရိတ် မြှင့်တင်ရန် အကြံပေးကြကြောင်း သိရပါတယ်။

opposite eye

Read more...

ရန်ကုန် နဲ့ ချစ်သူများနေ့

ချစ်သူများနေ့ဖြစ်တဲ့ ဒီကနေ့မှာ တွေ့ရတဲ့ ရန်ကုန်မြို့က ချစ်သူစုံတွဲတချို့ ဖြစ်ပါတယ်။
အ၀တ်အစား ဆင်တူ ဆင်မြန်းပြီး ပျော်မြူးနေတဲ့ လူငယ် မောင်မယ်အများအပြားကို တွေ့နိုင်ပါတယ်။

 

ဧရာဝတီ

Read more...

၁၀.၂.၂၀၁၃ ပါ ကသည်းလက်နက်ကိုင်များ ဖောက်ခွဲမှု သတင်းနှင့်ပတ်သက်၍ အထက်ချင်းတွင်းဒေသ လူငယ်များကွန်ယက်မှ ကသည်းလက်နက်ကိုင်များအပေါ် သဘောထားထုတ်ပြန်

ကသည်းလက်နက်ကိုင်များမှ တမူးမြို့ နန်းသလက်ချောင်းတံတားအားမိုင်းဖောက်ခွဲ၍ ဒေသခံပြည်သူများအပေါ် ခြိမ်းခြောက်နေမှုအားအထက်ချင်းတွင်းဒေသလူငယ်များကွန်ယက်(ကလေးမြို့)မှ(၆၆)နှစ်မြောက်ပြည်ထောင်စုနေ့

တွင် ကလေးမြို့great man tea shop အပေါ်ထပ်တွင်အခမ်းအနားတစ်ရပ်ကျင်းပကာ သဘောထားတစ်ရပ် ထုတ်ပြန်ခဲ့သည်။ အဆိုပါသဘောထားထုတ်ပြန်ချက်မှာ အောက်ပါအတိုင်းဖြစ်သည်။ကဘော်ချိုင့်ဝှမ်းဒေသတမူးမြို့ နန်းသလက်ချောင်းတံတားအား ကသည်းလက်နက်ကိုင်သောင်းကျန်းသူများမှ ဖောက်ခွဲဖျက်စီးမှု အပေါ်အထက်ချင်းတွင်းဒေသလူငယ်များကွန်ယက် သဘောထား အမြင် ထုတ်ပြန်ချက်များ၁။ ကဘော်ချိုင့်ဝှမ်းဒေသအား ကသည်းလက်နက်ကိုင် အဖွဲ့များမှ အမျိုးမျိုးခြိမ်းခြောက်ဖျက်စီးနေမှုအပေါ် လုံးဝ ကန့်ကွက်သည်။

၂။ မြို့နယ်သတင်းထောက်တစ်ဦး၏ (၁၀.၂.၂၀၁၃) ရက်နေ့ထုတ် နိုင်ငံပိုင်သတင်းစာ စာမျက်နှာ (၁၀) တွင် ဖော်ပြပါရှိခဲ့သော ကသည်းသောင်းကျန်းသူ
ပြည်ထောင်စု အမျိုးသားလွတ်မြောက်ရေးတပ်ဦးအဖွဲ့မှ ပစ်ထားသည်ဟု ယူဆရသောစာအရ ကဘော်ချိုင့်ဝှမ်းဒေသသည်မဏိပူပြည်နယ်နှင့်သာ သက်ဆိုင်ကြောင်းဗမာခွေးများနှင့် မသက်ဆိုင်ပါဟူသော အသုံးအနှုန်းအား ကျွန်ုပ်တို့မြန်မာနိုင်ငံအား စော်ကားသည်ဟု ယူဆသည်။
၃။ ချင်းပြည်နယ် ကလေးဒေသ တမူးမြို့နယ်အတွင်းရှိ ကသည်းလက်နက်ကိုင်သောင်းကျန်းသူများ အခြားလက်နက်ကိုင် သောင်းကျန်းသူများဝင်ရောက်နေထိုင်ခြင်းကြောင့် မြန်မာပြည်ဖွား တိုင်းရင်းသား လူမျိုးများ၏အသက်အိုးအိမ် စည်းစိမ်အား ခြိမ်းခြောက်ခြင်းများ ကြုံတွေ့နေရပါသည်။
၎။ ကဘော်ချိုင့်ဝှမ်းဒေသအတွင်း တရားဥပဒေစိုးမိုးရေးနှင့်တည်ငြိမ်အေးချမ်းရေးအား ဂရုမထားပဲ လက်နက်ကိုင် သောင်းကျန်းခြင်းဗုံးထောင်ဖျက်စီးခြင်းလက်နက်ရောင်းဝယ်မှုများပြုလုပ်ခြင်းမူးယစ်ဆေးဝါးကိစ္စ

ရပ်များတွင်ဦးဆောင်ပါဝင်မှုရှိနေသောကသည်းသောင်းကျန်းသူများအားမြန်မာနိုင်ငံ တော်နယ်နိမိတ်အတွင်းမှ

 မောင်းထုတ်ပေးရန်မြန်မာနိုင်ငံတော်အစိုးရမှ ဆောင်ရွက်ပေးရန် လိုလားသည်။
၅။ မြန်မာနိုင်ငံတော်အစိုးရ နိုင်ငံတော် သမ္မတကြီးမှလည်း အိန္ဒိယနိုင်ငံမှတာဝန်ရှိသူတစ်ဦး မြန်မာသို့ လာရောက်လည်ပတ်စဉ် အာသံ မဏိပူ ဒေသရှိ
သောင်းကျန်းသူများအား လက်ခံမည် မဟုတ်ဟု ပြောဆို ထားသည်ကို သိရသည်။
၆။ နိုင်ငံတော်သမ္မတကြီး ပြောကြားထားသော အချက်(၅) ပါအချက်အားအထက်ချင်းတွင်းဒေသ လူငယ်များကွန်ယက်အနေဖြင့် အပြည့်အ၀
ထောက်ခံသည်။ကဘော်ချိုင့်ဝှမ်းလုံခြုံရေးအတွက်သမ္မတကြီးပြောသောစကားအားတိုင်းရင်းသားပြည်သူများမှ

 ကျေးဇူးတင်ရှိပါသည်။
၇။ မြန်မာနိုင်ငံနှင့် ကဘော်ဒေသ တိုင်းရင်းသားလူမျိုးများ၏ အသက်အိုးအိမ်စည်းစိမ်အား ခြိမ်ခြောက်နေသော အာသံ မဏိပူဒေသရှိကသည်းသောင်းကျန်းသူများအား ပြည်ထောင်စုသမ္မတ မြန်မာနိုင်ငံတော်၏
တည်ဆဲဥပဒေအရ အရေးယူရန်နှင့် နိုင်ငံတော်အစိုးရ တာဝန်ရှိသူများနှင့်အတူ
အထက်ချင်းတွင်းဒေသ လူငယ်များ ကွန်ယက်မှ ပူးပေါင်းဆောင်ရွက်ရန်အသင့်ရှိသည်။
၈။ ပြည်ထောင်စု အမျိုးသား လွတ်မြောက်ရေးတပ်ဦး အနေဖြင့်ကဘော်ချိုင့်ဝှမ်းသည် မိမိတို့ ပိုင်ဆိုင်ကြောင်း
သက်သေအထောက်အထားရှိခဲ့ပါက ဒေသတွင်း လက်နက်ကိုင်သောင်းကျန်းခြင်းမိုင်းများအသုံးပြု ဖျက်စီးဖောက်ခွဲခြင်းများဖြင့် ဒေသနေ ပြည်သူလူထုအား
ခြိမ်းခြောက်ခြင်း မပြုပဲ နိုင်ငံတကာရေးရာနှင့် သက်ဆိုင်သောတရားစီရင်ရေးရုံးများတွင် မြန်မာနိုင်ငံတော် အစိုးရနှင့်ဥပဒေအတိုင်းဖြေရှင်းရန် လိုသည်။
၉။ ပြည်ထောင်စုသမ္မတ မြန်မာနိုင်ငံတော်မှတိုင်းဒေသကြီးလွှတ်တော်အမျိုးသားလွှတ်တော် ပြည်သူ့လွှတ်တော်

 ပြည်ထောင်စု လွှတ်တော်တို့မှ အထက်ပါ
ကသည်းလက်နက်ကိုင် သောင်းကျန်းသူများ ကိစ္စအား အမြန်ဆုံး ညှိနှိုင်းတင်ပြဖြေရှင်းပေးရန်နှင့် ၄င်းတို့၏ ခြိမ်းခြောက်မှုများအား နိုင်ငံတော်အားနိုင်ငံတကာ သိရန် တောင်းပန်စေလိုသည်။
၁၀။ အထက်ချင်းတွင်းဒေသလူငယ်များကွန်ယက်နှင့် ကဘော်ဒေသအဖွဲ့အစည်းအသီးသီးမှ ဒေသတွင်း လုံခြုံရေးနှင့် နိုင်ငံသား အခွင့်အရေးများ
ထိပါးစော်ကားလာမည်ဆိုပါက ဒေသတွင်း တည်ငြိမ်းအေးချမ်းရေးကို ရှေးရှုကာမည်သည့်ဌာန အဖွဲ့အစည်းများနှင့်မဆို
ပူးပေါင်းဖြေရှင်းဆောင်ရွက်သွားမည်ဖြစ်သည်။

(၁၂.၂.၂၀၁၃)နေ့တွင် ကျရောက်သော (၆၆)နှစ်မြောက်  ပြည်ထောင်စုနေ့တွင်
သဘောထားအမြင်များ ထုတ်ပြန်သည်။

အထက်ချင်းတွင်းဒေသလူငယ်များကွန်ယက်
(ကလေးမြို့)

hot news

Read more...

တအာင်းအမျိုးသားလွတ်မြောက်ရေးတပ်မတော် TNLA မူးယစ်စိုက်ခင်း တိုက်ဖျက်ရေး လှုပ်ရှား

အစိုးရစစ် ပြည့်သူ့စစ်နှင့် မူးယစ်းဘိန်းခင်း

• ခလရ-၁၄၄ တပ်ရင်း
• ပန်ဆေးပြည်သူ့စစ်
• မန်ပူးပြည့်သူ့စစ်နှင့် မန်ပူး ရဲစခန်း
• မုံးဝီးပြည်သူ့စစ်တို့ (ပူးတွဲပါ မြေပုံအညွန်းကို လည်းကြည့်နိုင်ပါတယ်) 

ထိန်းချုပ်နယ်မြေအတွင်းရှိ ပလောင်ရွာများရှိ တောင်ကုန်းများပေါ်တွင် တရားမ၀င် ဘိန်းခင်းများကို လွပ်လပ်စွာစိုက်ပျိုးခွင့်ပြုထားကြောင့်ဤဗီဒီယိုကလစ်မှသက်သေခံပြီး ပြည်သူများကို မြင်သိစေပါတယ်

အခွန်ကိုတော့ ပြည့်သူ့စစ်များအဖွဲ့များနှင့် ခလရ-၁၄၄ တပ်ရင်းထံ မှန်မှန်ပေးရတယ်လို့လည်း ဘိန်းစိုက်သူများက ပြောပါတယ်

ပြီးတော့ ဒီနယ်မြေဟာ ပြည့်သူ့လွှတ်တော်အမတ် ပန်ဆေးကျော်မြင့်ခေါ် ဦးကျော်မြင့်ရဲ့ မဲဆန္ဒနယ်မြေ အမှတ်(၂)ထဲမှာ ပါဝင်တယ်လို့လည်း သိရတယ် ဆိုတော့ အမတ်ကြီးလည်း ဘိန်းခင်းက အခွန်တွေ စားရသောက်ရမှာ မလွှဲဧကန်ပါပဲဗျာ

ဒီဗီဒီယို ကလစ်ကတော့ တအာင်းအမျိုးသား လွတ်မြောက်ရေးတပ်မတော်-TNLA မှ ဘိန်းတိုက်ဖျက်ရေး ဆင်းတုန်း မဖျက်ဆီးမီက ရိုက်ထားတဲ့ ဗီဒီယိုမှတ်တမ်းပါ လွန်ခဲ့တဲ့ ၂ ပါတ်လောက် ကတည်းက TNLA တပ်မတော် ကနေပြီးတော့ ဘိန်းခင်း တိုက်ဖျက်ရေး ဆင်နေခဲ့တာပါ

အခုဆိုရင် နမ်းခမ်းမြို့နယ် ပန်းဆေးပြည်သူ့စစ်တွေ ထိန်းချုပ်ထားတဲ့ နယ်မြေထဲမှာ အနည်းဆုံးဧက ၁၀၀ ကျော် ဖျက်ဆီးပြီး ဖြစ်ပါတယ်

ဆက်လက်ပြီးတော့လည်း နမ်းခမ်း ကွတ်ခိုင် မန်တုံ နမ္မတူစသည့် ပလောင်ဒေသအတွင်း ရှိ ဘိန်းခင်းများကို လိုက်လံ ဖျက်ဆီးဦးမည်ဖြစ်တယ်ထိုကဲ့သို့ မဖျက်ဆီမီလူထုများနှင့်တွေ့ဆုံပြီး ဒေသအတွင်းဘိန်းစိုက်ပျိုးခွင့်ပြုမှာ မဟုတ်ကြောင့် ရှင်းလင်းပြီးဖြစ်ပါတယ်
တအာင်းအမျိုးသားလွတ်မြောက်ရေးတပ်မတော်အနေနဲ့ကတော့ တအာင်း(ပလောင်)ဒေသအတွင်း

(၁) မူးယစ်းဆေးဝါး စိုက်ပျိုးခြင်း ထုတ်လုပ်ခြင်း တားမြစ်သည်။

(၂) မူးယစ်းဆေးဝါး အရောင်းအ၀ယ်လုပ်ခြင်း တားမြစ်သည်။

(၃)မူးယစ်းဆေးဝါး သုံးစွဲခြင်း တားမြစ်သည်။ ဆိုသည့် မူဝါဒ သုံးခုနဲ့ တအာင်း(ပလောင်)ဒေသ အတွင်း မူးယစ်းဆေးဝါးကင်းစင်အောင် စီမံချက် အကောင်ထည် ဖော်နေပါတယ်။

Copy from - Taang Tea Land

Read more...

ဒေါ်အောင်ဆန်းစုကြည်ကို ယုံကြည်ကြောင်း ဒု ဗိုလ်ချုပ်ကြီး ယွက်စစ် ပြော

၆၆ နှစ်မြောက် ရှမ်းပြည် အမျိုးသားနေ့ အခမ်းအနားတွင် ပြည်တွင်း ပြည်ပ သတင်းမီဒီယာများကို ရှင်းလင်း ပြောဆိုနေ သည့် ဒု ဗိုလ်ချုပ်ကြီး ယွက်စစ် (ဓာတ်ပုံ – ဇာနည်ဝင်း / ဧရာဝတီ)

 

လွှတ်တော်တွင်းဝင်ရောက်ပြီး အစိုးရနှင့် လက်တွဲလုပ်ဆောင်နေသည့် ဒေါ်အောင်ဆန်းစုကြည် ကို ယုံကြည်ကြောင်း ရှမ်းတိုင်းရင်း သား လက်နက်ကိုင်အဖွဲ့ ခေါင်းဆောင်တဦးဖြစ်သည့် ဒု ဗိုလ်ချုပ်ကြီး ယွက်စစ် က လွိုင်တိုင်းလျန်း ဌာနချုပ်၌ ဧရာဝတီ နှင့် မကြာ သေးခင်က သီးသန့် တွေ့ဆုံစဉ် ပြောဆိုလိုက်သည်။

 

ဒေါ်အောင်ဆန်းစုကြည် သည် ပြည်ထောင်စုကြီးအတွင်း ဒီမိုကရေစီ တံခါးကို ဖွင့်ပေးခဲ့သူဖြစ်ကြောင်း ထို့အတူ သူ၏ ဖခင်ဖြစ်သူ ဗိုလ်ချုပ် အောင်ဆန်း ပြုလုပ်ခဲ့သော “ပင်လုံ စာချုပ်” သဘောတူညီချက်အတိုင်း ပြုစုပျိုးထောင်ပြီး လုပ်ဆောင်သွားမည် ဆိုသည့် အချက်အပေါ်လည်း RCSS/SSA အနေဖြင့် ယုံကြည်ကြောင်း ဖေဖော်ဝါရီ ၈ ရက်နေ့က သွားရောက်သည့် ၆၆ နှစ်မြောက် ရှမ်းပြည် အမျိုးသားနေ့ ခရီးစဉ်၌ တွေ့ဆုံရာတွင် သူက ပြောဆိုခြင်း ဖြစ်သည်။

 

“ဒေါ်အောင်ဆန်းစုကြည်ကို ကျနော်တို့ အနေနဲ့လည်း ယုံကြည်တယ်၊ ဘာဖြစ်လို့လဲ ဆိုတော့ ဒီပြည်ထောင်စုထဲမှာ ဒီမိုကရေစီကို လမ်းစ တံခါး လာဖွင့်ပေးတာလည်း ဒေါ်အောင်ဆန်းစုကြည်ပဲ ဖြစ်တယ်၊ ဒေါ်အောင်ဆန်းစုကြည်က ကြေညာ ထားတာတော့ ရှိတာပေါ့နော်၊ သူ့ရဲ့ဖခင် ဗိုလ်ချုပ်အောင်ဆန်း လုပ်သွားတဲ့ ပင်လုံစာချုပ် သဘောတူညီချက်အတိုင်း သူပြန်လာပြီးတော့ ပြုစု ပျိုးထောင်ပြီးတော့ လုပ်သွားမယ်ဆိုတဲ့ အချက်ကိုလည်း ကျနော်တို့အနေဲ့ ယုံကြည်ထားပါတယ်”ဟု ရှမ်းပြည် ပြန်လည် ထူထောင်ရေး ကောင်စီ (RCSS) ၏ ဥက္ကဋ္ဌ ဒု ဗိုလ်ချုပ်ကြီး ယွက်စစ် က ပြောသည်။

 

ဒေါ်အောင်ဆန်းစုကြည် နေအိမ်အကျယ်ချုပ်က လွတ်မြောက်လာပြီးနောက် အမျိုးသားပြန်လည် ရင်ကြားစေ့ရေးနှင့် ဒုတိယ ပင်လုံညီလာခံ (သို့မဟုတ်) ၂၁ ရာစု ပင်လုံညီလာခံ ဖြစ်မြောက်ရန် ကူညီဆောင်ရွက် သွားမည်ဖြစ်ကြောင်း သဘောထား ထုတ်ပြန်ထားသည်။

 

ဒုတိယ ပင်လုံညီလာခံ ဖြစ်မြောက် လာရေးအတွက် ရှမ်းလက်နက်ကိုင် ခေါင်းဆောင်များကဲ့သို့ပင် အခြားသော တိုင်းရင်းသား လက်နက်ကိုင် ခေါင်းဆောင်များနှင့် နိုင်ငံရေး ခေါင်းဆောင် အများစုကလည်း ကြိုးပမ်းမှုများ ရှိနေသကဲ့သို့ မျှော်လင့်မှု များလည်းရှိနေ ကြသည်။

 

ဒု ဗိုလ်ချုပ်ကြီး ယွက်စစ် က လက်ရှိအစိုးရ၏ ဒီမိုကရေစီ ပြုပြင်ပြောင်းလဲရေး လုပ်ဆောင်မှုများသည် တံခါးဖွင့်သည့် အဆင့်၌ သာ ရှိပြီး ထဲထဲဝင်ဝင် လုပ်ဆောင်ခြင်း မရှိသေးကြောင်း တိုင်းရင်းသား လက်နက်ကိုင် အဖွဲ့များနှင့် ပဏာမ အပစ်အခတ်ရပ်စဲမှု လုပ်ဆောင်နိုင်သည့် အစိုးရ ဖြစ်သော်လည်း ယခု အချိန်အထိ လက်တွေ့ အကောင်အထည် ဖော်ဆောင်မှုများကို သေသေချာချာ တွေ့မြင်ရခြင်း မရှိသေးကြောင်း ပြောသည်။

 

ထို့အတူ လက်ရှိ အစိုးရစစ်တပ်သည်လည်း ဒေါ်အောင်ဆန်းစုကြည်၏ ဖခင် ဗိုလ်ချုပ်အောင်ဆန်း တည်ထောင်ခဲ့သော တပ်မတော် မဟုတ်တော့ကြောင်း ဗိုလ်ချုပ်အောင်ဆန်း တည်ထောင်ခဲ့သော တပ်မတော်သည် အတိတ်ကာလတွင် ပြိုကွဲပျက်စီး သွားခဲ့ပြီ ဖြစ်ကြောင်း ပြောသည်။

 

“ဗိုလ်ချုပ်အောင်ဆန်း တည်ထောင်ထားတဲ့ တပ်မတော်က ၁၉၆၂ ခုနှစ် ဦးနေဝင်း အာဏာသိမ်းလိုက်ကတည်းက ဒီတပ်တွေ အကုန်လုံး ပျက်သွားပြီ၊ အဲဒီနောက်ပိုင်း တပ်မတော် ဆိုတာက ဗိုလ်ချုပ်အောင်ဆန်း တည်ထောင်လာခဲ့တဲ့ တပ်မတော် မဟုတ် တော့ဘူး၊ ဒီလို ကျနော်တို့ ယုံကြည်ထားတယ်” ဟု ဒု ဗိုလ်ချုပ်ကြီး ယွက်စစ် က ပြောသည်။

 

RCSS/SSA နှင့် အစိုးရတို့ ပဏာမ အပစ်အခတ်ရပ်စဲရေး သဘောတူညီမှုများ ပြုလုပ်ထားသော်လည်း အစိုးရ စစ်တပ်ဘက်က ချိုးဖောက်မှုတွေရှိနေပြီး သဘောတူညီမှုရရှိပြီးနောက် နှစ်ဘက် တိုက်ပွဲပေါင်း ၄၀ ကျော်ဖြစ်ပွားခဲ့ကြောင်း၊ သို့သော် RCSS/SSA အနေဖြင့် ငြိမ်းချမ်းရေးလမ်းစဉ်ပေါ်တွင် ရပ်တည်ကာ ပြဿနာများကို ဖြေရှင်းသွားမည် ဖြစ်ကြောင်းလည်း ၎င်းက ပြောဆိုသည်။

 

RCSS/SSA အနေဖြင့် နိုင်ငံရေး ပါတီတရပ်အသွင်ဖြင့် ၂၀၁၅ ရွေးကောက်ပွဲ ဝင်ရန်ရှိမရှိ သတင်းထောက်များက မေးမြန်းရာတွင် ၎င်းတို့အနေဖြင့် ရွေးကောက်ပွဲ စနစ်ကိုလက်ခံကြောင်း ရွေးကောက်ပွဲဝင်ရောက်ရေး အခြေအနေမှာ အစိုးရနှင့် ဆက်လက် ဆွေးနွေး ရမည့် ဆွေးနွေးပွဲ ရလဒ်များအပေါ်တွင်မူတည်ကြောင်း ဒု ဗိုလ်ချုပ်ကြီး ယွက်စစ် က ရှင်းပြသည်။

 

သတင်းရင်းမြစ် - ဧရာဝတီ

Read more...

တာချီလိတ်မြို့နယ်စာရေးဆရာအသင်းမှ ဖေဖော်ဝါရီ(၂၅)တွင် စာပေဟောပြောပွဲပြုလုပ်မည်ဖြစ်ကြောင်း သိရ

တာချီလိတ်မြို့နယ်စာရေးဆရာအသင်းက ကြီးမှူးကျင်းပမှာဖြစ်တဲ့ စာပေဟောပြောပွဲကို   ၂၀၁၃ခုနှစ် ဖေဖော်ဝါရီ(၂၅)ရက်နေ့မှာ စာရေးဆရာ/မ (၃)ဦးဖြင့် ပြုလုပ်မှာဖြစ်ကြောင်း သိရပါတယ်။

ဖေဖော်ဝါရီ(၂၅)ရက်နေ့ နံနက်ပိုင်းမှာ စာရေးဆရာအသင်းရုံးဖွင့်ပွဲကို ပြုလုပ်မှာဖြစ်ပြီး ည(၇)နာရီမှာ စာပေဟောပြောပွဲကို ပြုလုပ်မှာဖြစ်ပါတယ်။ ဟောပြောမည့် စာရေးဆရာ/မများမှာ ဆရာ လယ်တွင်းသား စောချစ်၊ ဆရာ နေ၀င်းမြင့် နှင့် ဆရာမ ခင်ခင်ထူးတို့ပဲ ဖြစ်ကြပါတယ်။

ယခုပြုလုပ်မဲ့ စာပေဟောပြောအကြိမ်မှာ တာချီလိတ်မြို့နယ်စာရေးဆရာအသင်းအနေဖြင့်(၅)ကြိမ်မြောက်ဖြစ်ပြီး ပထမအကြိမ်ကိုတော့ ၂၀၀၀ခုနှစ်မှာ ပြုလုပ်ခဲ့တာဖြစ်ကြောင်း သိရပါတယ်။

တာချီလိတ်အွန်လိ်ုင်းစာမျက်နှာ

Read more...

လူတိုင်းအတွက် အချိုမှုန့် အန္တရာယ်

 

လူအများ အချိုမှုန့် ပါဝင်သော အစားအသောက် များစားပြီး အချိုမှုန့်၏ ဆိုးကျိုးများကို ခံစား ဖူးကြမည် ထင်ပါသည်။ ၄င်းဆိုး ကျိုးများတွင် ခေါင်းကိုက်ခြင်း၊ မူးဝေခြင်း၊

ပျို့အန်ခြင်း၊ ရင်ကျပ်ခြင်း (အထူးသဖြင့် ရင်ကျပ် အခံရှိသော လူများတွင်)၊ ရင်ဘတ် အောင့်ခြင်း၊ နုံးချည့်ခြင်း၊ မျက်နှာနှင့် ဦးခေါင်းပိုင်းတွင် ကုပ်ပိုး၌ ပူလောင်ခြင်း၊ ထုံကျဉ်ခြင်း၊ သွေးတိုး ခြင်းနှင့် အချို့တွင် သွေးပေါင်ကျခြင်း (နှလုံးခုန် မမှန်၍)များ ပါဝင်ကြောင်း သုတေသန ပြုချက် များအရ သိရှိပြီး ဖြစ်ပါသည်။ ၄င်းဆိုးကျိုးများသည် တစ်ခါတစ်ရံ အချို့လူများတွင် အလွန် ဆိုးရွားနိုင်ပြီး အသက် သေဆုံးသည် အထိ ဖြစ်နိုင်ကြောင်း သိရှိပြီး ဖြစ်ပါသည်။

သို့အတွက် ကြောင့်လည်း အချို့သော စားသောက်ဆိုင် များနှင့် အစားအစာ ထုတ်လုပ်သူ များသည် အချိုမှုန့်အစား သဘာဝ ဟင်းခတ် မှုန့်များကို ပြောင်းလဲ သုံးစွဲ ကြသော်လည်း စားသောက်ဆိုင် အများစုနှင့် အစားအစာ ထုတ်လုပ်သူ အများစုတို့သည် အရသာ ပိုကောင်းပြီး စွဲမက် စေသော အန္တရာယ် များသည့် အချိုမှုန့် သို့မဟုတ် အချိုမှုန့် ပါဝင်သော အခြား နာမည်နှင့် ဟင်းခတ် ပစ္စည်းများကို အသုံးပြု၍ လူအများကို လှည့်စားကာ အသုံးပြုနေ ကြဆဲ ဖြစ်ပါသည်။ အချိုမှုန့်၏ ဆိုးကျိုးများကို လူအများ ခံစားရမှု များလည်း တစ်ဦးနှင့်တစ်ဦး ကွာခြား လှပေသည်။ အချို့သည် စားပြီး မကြာမီပင် ခံစားရပြီး အချို့မှာ နာရီပေါင်း များစွာကြာမှ ခံစားရ ပေသည်။ အချို့တွင် ပြင်းထန်ပြီး အချို့တွင် မဆိုသလောက်သာ ခံစားရ သဖြင့် အချိုမှုန့်ကြောင့် ဖြစ်သော...

Thantzin Oo(facebook)

Read more...

ပေါက်ပန်းဖြူနှင့် ပေါက်ပန်းနီဆိုပီးတော့ နှစ်မျိုးရှိပါတယ်...

ပေါက်ပန်းဖြူနှင့် ပေါက်ပန်းနီဆိုပီးတော့
နှစ်မျိုးရှိပါတယ်...

ပေါက်ပန်းဖြူပွင့်ကို အရည်ညှစ်ပီး မျက်စိကို ခတ်ပေးလျှင်
မျက်စိမှုန်ခြင်း၊ မျက်စိဝေခြင်း ပျောက်ကင်းစေပါတယ်

နောက်တနည်းကတော့
အကြောများတင်းကာ တစ်ကိုယ်လုံး တောင့်တင်းကာ
မနေနိုင်မထိုင်နိုင်ဖြစ်နေသူများ အတွက်.......
ဆေးနည်းမှာ....အရမ်းလွယ်ပါတယ်.......
ပေါက်ပန်းဖြူပင် အရွက်ကို ကြော်စားချင်စား
ဟင်ချိုချက်သောက်ချင်သောက်ပါ။

တစ်ရေးအိပ်လိုက်ပါ အိပ်ရာနိုးသောအခါ
သိသာစွာ ပျောက်ကင်းစေပါသည်။

Credit:မင်းမင်းဇော်
ပန်းဥယျာဉ်

Read more...

ချစ်သူများနေ့ဆိုတာ (၂)

Zhinu လို့အမည်ရတဲ့ နတ်သမီးလေး တစ်ပါး ရှိပါတယ်။ ကောင်းကင်ဘုံက နတ်ဘုံနတ်နန်းမှာ နေရတဲ့ ဘဝကို သူ အတော်လေး ငြီးငွေ့နေပါပြီ။ ဒီလိုနဲ့ သာမန်ဘဝလေးအတိုင်းနေထိုင်တဲ့ လူ့ပြည်ကို အလည်ဆင်းပါတယ်။

ဒီလိုဆင်းလာတော့ မမျော်လင့်ပဲ ရိုးသားတဲ့ နွားကျောင်းသားလေး တစ်ဦးနဲ့ သွားတွေ့ပါတယ်။ Niulang လို့အမည်ရတဲ့ ရွယ်တူ လူငယ်လေး ဖြစ်ပြီး ချစ်ကြိုက်သွားကြပါတယ်။ ဒါကြောင့် Niulang နဲ့ Zhinu ဟာ ဘဝတစ်ခု အတူထူထောင်ဖို့ သဘောတူညီခဲ့ကြပြီး တစ်ယောက်ကို တစ်ယောက် မခွဲမခွာ ကတိတွေ ပေးကြပါတယ်။ ပျော်ရွှင်သာယာတဲ့ မိသားစု ဘဝ ဖြစ်ခဲ့ပြီး သားသမီး နှစ်ဦးတောင် ထွန်းကားပါတယ်။

ဒါတွေကို တစ်နေ့တော့ ကောင်းကင်ဘုံက နတ်သကြားက သိပါလေရော။ ၇ ယောက်မြောက် သမီးတော် ဖြစ်ပေမယ့် အင်မတန် ချစ်မြတ်နိုးသူ ဖြစ် ပါတယ်။ ဒါကြောင့် လူ့ပြည်မှာ လူသားနဲ့ ဘဝတစ်ခု ထူထောင် ဖို့အတွက်ကို လုံးဝ သဘောမတူပါဘူး။ ဒါကြောင့် မရရတဲ့ နည်းနဲ့ နတ်သမီးလေး Zhinu ကိုပြန်ခေါ်ပါတယ်။

ဒီလိုနဲ့ Zhinu ခမျာ သူ့ချစ်သူနဲ့ မိသားစုကို ခွဲခွာလို့ ကောင်းကင် ဘုံပေါ် ပြန်လည် ရောက်ရှိသွားပါတယ်။ နွားကျောင်းသားလေး Niulang တစ်ယောက် လုံးဝ လက်မလျော့ပါဘူး။ ချစ်သူ Zhinu ကို ပြန်ရဖို့ နည်းအမျိုးမျိုး ကြိုးစားပါတယ်။ သို့ပေမယ့် လူသားဖြစ်နေတော့ မစွမ်းသာပါဘူး။ သို့သော် သူ့ကိုကူညီမယ့်သူ ပေါ်လာတယ်။ အခြားသူ မဟုတ်ပါဘူး။ သူ့မွေးထားတဲ့ နွားတစ်ကောင်ဖြစ်ပါတယ်။

သူ့ကိုသတ်ပြီး သူ့အသားကို Niulang မှ အဆောင်ကဲ့သို့ ထားရင် မိုးပေါ် ပျံနိုင်ကြောင်းပြောပါတယ်။ သူ မသတ်ရက်ပါဘူး။ သို့ပေမယ့် နောက်ဆုံးတော့ သူချစ်တဲ့ နွားကိုယ်တိုင် အသက် စတေးနေတော့ ဝမ်းနည်းစွာပဲ သတ်လိုက်ပါတယ်။

သူတကယ်ပဲ မိုးပေါ်ပျံနိုင်သွားပါတယ်။ မိုးပေါ်ပျံပြီး သူ့ချစ်သူ နတ်သမီးထံ ကလေး ၂ ဦးယူဆောင်လို့ သွားသွားတွေ့ပါတယ်။ ဒီလိုတွေ့နေတာ ကိုလည်း နောက်ဆုံးတော့ နတ်မင်းကြီးတို့ သိရှိသွားပါတယ်။ ဒီတော့ ဒါကို တားမြစ်ဖုိ့အတွက် ကြံစည်ပါတယ်။

ဒါကြောင့် Zhinu နဲ့ Niulang ကြားမှာ တွေ့ဆုံလို့မရတောင် ကောင်း ကင် မြစ်တစ်စင်း ခြားထားလိုက်ပါတယ်။ ယင်းမြစ်ကို ကျော်လွန်လို့ Niulang တစ်ယောက် မပျံသန်းနိုင်ပါဘူး။ ဒါကြောင့် ယက်ကန်းရက်ပြီး ဝမ်းနည်းနေတဲ့ သူ့ချစ်သူ နတ်သမီး Zhinu တစ်ဖက်ကမ်းက သူ့မိသားစု ကြည့်ရင်း အမြဲငိုကြွေးနေပါတော့တယ်။ ခင်ပွန်း Niulang လည်း ကလေးနှစ်ဦးနဲ့အတူ သူ့ချစ်သူကို လှမ်းကြည့်လို့ ဝမ်းနည်းနေရပါတော့ တယ်။

သို့ပေမယ့် ကံကောင်းပါတယ်။ သူ့တို့ နှစ်ဦးရဲ့  ကွဲကွာနေတဲ့ ချစ်ခြင်းကို သနားစာနာတဲ့ ကောင်းကင်ပေါ်က ငှက်ကျားများဟာ တစ်ကြိမ်တစ်ခါ တိတ်တဆိတ် တွေ့ဆုံစေနိုင်ဖို့အတွက် တံတားအဖြစ် လာရောက် တာဝန်ထမ်းဆောင်ပေးပါတယ်။ တစ်နှစ်လုံးမှာမှ တစ်နေ့ (တစ်ည)ပဲ ဖြစ် ပါတယ်။ တကယ်ကို တစ်ညပါပဲ။ တစ်ည တွေ့ဆုံပြီးနောက် ယင်းငှက် တို့ ပြန်လည် ပျံသန်းတဲ့အတွက် ဒီလိုပဲ နှစ်တိုင်း တွေ့ရမယ့် တစ်ညကို သာ မျှော်နေကြပါတယ်။ ယင်းချစ်သူတို့ တွေ့ဆုံတဲ့ နေ့လေးဟာ ချစ်သူများနေ့လေးပဲ ဖြစ်ပါတယ်။

တရုတ်ရိုးရာ ဒဏ္ဍာရီ ပုံပြင်တစ်ခု ဖြစ်ပါတယ်။ နတ်သမီး Zhinu နဲ့ နွားကျောင်းသား Niulang ဆိုတာ Altari နဲ့ Vega အမည်ရ ကြယ် များ ဖြစ်ပြီး သားသမီး နှစ်ဦးကတော့ β နဲ့ γ ကြယ်များ ဖြစ်ပါတယ်။ Altari နဲ့ Vega ကြားမှာ ခြားထားတဲ့ ကောင်းကင် မြစ်ကတော့ နဂါးငွေ့တန်း ဂလက်စီ ဖြစ်ပါတယ်။ တစ်နှစ်မှာ တစ်ညတာ တွေ့ဆုံနိုင်အောင် ဖန်တီးပေး တဲ့ ငှက်များကတော့ နဂါးငွေ့တန်း ကလက်ဆီမှာ တစ်ကြိမ် မှာ ပေါ်လာတတ်တဲ့ Cygnus တန်း ဖြစ်ပါတယ်။

အမှန်တော့ တစ်နှစ်မဟုတ်ပါဘူး။ Luna month လို့ခေါ်တဲ့ လရဲ့  ရက် ၃၀ ဝန်းကျင်စာဖြစ်ပြီး လ ၇လ မြောက်ရဲ့  ၇ ရက်နေ့ဖြစ်ပါတယ်။ အကြမ်း ဖျင်းအားဖြင့် ၇ လူနာလ၊ ၇ရက် မြောက်နေ့လို့ မှတ်ယူနိုင်ပါတယ်။ များသောအားဖြင့် ကတော့ သြဂုတ်လအတွင်း ကျရောက်ပြီး နောက်ပိုင်း ကျတော့ အနောက်တိုင်းက ဖေဖော်ရီလ ၁၄ ရက်နေ့ ကို ရောပြီး ချစ်သူများနေ့ကို သတ်မှတ်ပါတယ်။ Altari နဲ့ Vega ကြယ်တို့ တွေ့ဆုံတဲ့ နေ့ ကိုလည်း ချစ်သူများနေ့အဖြစ် သီးသန့်လည်း ကျင်းပပါသေးတယ်။

ယင်းပွဲတော်ကို Qixi Festival (ချစ်သူများ ပွဲတော်)လို့ သတ်မှတ်ပြီး တရုတ်ပြည်နဲ့ တရုတ်လူမျိုးစုတို့ကြားမှာ ယနေ့တိုင် စည်စည်ကားကား ကျင်းပနေတဲ့ ပွဲဖြစ်ပါတယ်။ ချစ်သူတို့တင်မကပဲ ဇနီး၊ခင်ပွန်း၊သားသမီး အားလုံး ပါဝင်ပြီး တစ်ဦးကိုတစ်ဦး ပစ္စည်းပေးခြင်း၊ မုန့်ကျွေးခြင်း၊ ပျော်ပွဲ ရွှင်ပွဲ ကျင်းပခြင်း အစရှိသဖြင့် မိသားစု တစ်ခုလုံး သိုက်သိုက်ဝန်းဝန်း ကျင်းပပါတယ်။

ဒီချစ်သူများနေ့ - Qixi Festival ကတော့ တရုတ်ရိုးရာ ချစ်သူများနေ့ ဖြစ် ပါတယ်။ တရုတ် ရိုးရာဆိုပေမယ့် အာရှကနိုင်ငံအတော် များများမှာလည်း လွမ်းမိုးနေ့တဲ့ ချစ်သူများနေ့ တစ်နေ့လည်း ဖြစ်ကြောင်း သိရပါတယ်။
Ref: wiki
International news for myanmar



--

Read more...

ပြင်သစ်မှာ ဆောက်မယ့် စပရင်တံတား

ဒီတံတားသာ တကယ်ဆောက်ဖြစ်မယ်ဆိုရင် လူစည်တော့မှာပါပဲ။ ပြီးတော့ ခရီးရောက်ဖို့ဆိုရင် လွယ်မယ့်အနေအထား မဟုတ်ပါဘူး။ တံတားပေါ်မှာ ခုံရင်း ပျံရင်းနဲ့ပဲ တစ်ဖက်ကမ်းကို ရောက်ရင်ရောက်၊ မရောက်ရင် ရေထဲ ကျနိုင်မယ့် တံတား ဖြစ်ပါတယ်။

ပြင်သစ်နိုင်ငံက Seine မြစ်တစ်နေရာမှာ ဆောက်လုပ်မယ်လို့ ဆိုပြီး ပြင်သစ် ဒီဇိုင်းနာ Atelier Zündel Cristea ကပဲ ဖန်တီးခဲ့တဲ့ ဒီဇိုင်း ဖြစ်ပါတယ်။ ပုံမှာ မြင်တွေ့ရတဲ့ အတိုင်း Trampoline စပရင် ဖျင်ချပ်လိုမျိုးကို တံတားပမာ ခပ်ရှည်ရှည် ပြုလုပ်ပြီး ခင်းထား ပါတယ်။ ရေထဲ ကျဖို့တော့ ခဲတယ်လို့ဆိုပါတယ်။ ဘေးမှာ ခပ်မြင့်မြင့် နဲ့ တားထားတဲ့အတွက် အားကစားသမားလို စတန့်နဲ့ ခုန်မှ ကျနိုင်မယ့် တံတားလို့ဆိုပါတယ်။

အောက်မှာ ခင်းထားတာက ဖိုက်ဘာဖျင်ချပ်ဖြစ်ပြီး ပျော့ပျော့ပြောင်းပြောင်း ဖြစ်တဲ့အတွက် လမ်းလျှောက်လို့တော့ မရပါဘူး။ ခုန်ပြီးတော့ သွားရမယ့် တံတား ဖြစ် ပါတယ်။ ဆောက်တာ မဆောက်တာထက် Atelier ရဲ့  ဒီဇိုင်းကတော့ ရေပန်း စားသွားပါတယ်။ ပြင်သစ်မှာ တကယ် ဆောက်ပြီးတဲ့ခါ လူစည်မယ့် တံတားလား၊ ကြောက်လို့ လူနည်းတဲ့ တံတား ဖြစ်မလားဆိုတာ မသိနိုင်သေးကြောင်း သိရပါတယ်။
--
Ref: designfacats
International news for myanmar

Read more...

“ထိုင်းစစ်စခန်းကို ဝင်ရောက်စီးနင်းသည့် စစ်သွေးကြွများ သေဆုံး”

 

ထိုင်းနိုင်ငံတွင် စစ်တပ်စခန်း တစ်ခုကို ဝင်ရောက် စီးနင်း တိုက်ခိုက်ရန် ကြိုးစားရင်း စစ်သွေးကြွ (၁၇)ဦးထက်မနည်း သတ်ဖြတ် သုတ်သင် ခံခဲ့ရကြောင်း သိရှိရသည်။ ထိုင်းစစ်ဘက်က နိုင်ငံ တောင်ပိုင်းရှိ ဘာသာရေး အစွန်းရောက် သူပုန်များ ထကြွသောင်းကျန်းနေရာ ဒေသတွင် စစ်တပ် အခြေစိုက် စခန်းတစ်ခုကို အင်နှင့်အားနှင့် ဝင်ရောက် စီးနင်းသော စစ်သွေးကြွများကို စစ်တပ်က ချေမှုန်းနိုင်ခဲ့ကြောင်း ကြေညာသွားသည်။

မလေးရှားနှင့် နယ်စပ်အနီးရှိ နာရာသီဝပ် ဒေသတွင် ဗုဒ္ဓဟူးနေ့က ဖြစ်ပွားသော တိုက်ခိုက်မှုအတွင်း စစ်သားများဘက်မှ အသေအပျောက် ရှိမရှိကိုမူ ထိုင်းစစ်တပ်က မကြေညာခဲ့ချေ။

 

Copy from - Planet Myanmar Network

Read more...

အသတ်ခံရ ကျားဖြူပါတီဥက္ကဌ၏တူ အလောင်းအားပြန်ဖော်စစ်ဆေး

သျှမ်းပြည်မြောက်ပိုင်း နမ့်ခမ်းမြို့တွင် ယ္ခုလ ၆ ရက်နေ့ကဖြစ်ပွားခဲ့သောလူသတ်မှုအား အမှုမှန်ပေါ်ထွက် လာရေးအတွက် ဖေဖော်ဝါရီ ၁၂ ရက်နေ့က ဒေသခံဆရာဝန် ဆရာမများအကူအညီဖြင့် ပြန်လည်အလောင်း

 ဖော်ခဲ့ကြောင်း  စုံစမ်းသိရှိရသည်။

အလောင်းဖော်ကြည့်ရာတွင် ၄င်းတို့ထင်ထားသည်ထက် ဒဏ်ရာများ  ပိုပြင်းထန်နေသည်ကိုတွေ့ရ ကြောင်း၊ မသေမချင်း ဓါးနှင့်ခုတ်သတ်မှုအဖြစ် ပြစ်မှုထင်ရှားကြောင်း၊ အမှုမှန်ပေါ်ပေါက် ရေးအတွက်  တရားမျှတစွာ ဖြေရှင်းပေး ဖို့လိုကြောင်း၊ အလောင်းဖော်ပြီး ပြန်လည်စစ်ဆေးပေးသော ဒေသခံဆရာဝန်/မ များမှာ ဒေါက်တာ နန်းထွေးခမ်း၊ ဒေါက်တာစိုင်းနိုင်ဌေး  ဆေးသူနာပြုဆရာမ ၂ ဦးနှင့် ဆေးရုံအကူ ဦးစိုင်းကျော်နိုင် နှင့် ရဲအရာရှိ အချို့ အပါအ၀င် ကျားဖြူဘက်က စိုင်းမွေး၊ ကျားခေါင်း ဘက်က ဦးစိုင်းလိန်မြတ် တို့ပါဝင်ကြောင်း ၄င်းကဆိုသည်။

ထို့အပြင် ယနေ့ ရက်လည်ဆွမ်းကျွေးသည့် နေ့အထိ တရားခံဘက်မှ လူမှုရေးအရ၊ တရားဥပဒေအရ  လာရောက်ကူညီခြင်း တောင်းပန်စကား  ပြောကြားခြင်း မရှိကြောင်းဆိုသည်။   

“မနေ့က အလောင်းတူး အခမ်းအနားက ပြည်ထောင်စုနေ့ အခမ်းအနားထက်တောင် လူစည် နေတယ်ဗျ။ နိုင်ငံရေး ပါတီကအချို့ ရယ် ဒေသခံပြည်သူအယောက် ၅၀ လောက်ပေါ့။ အားလုံးရဲ့မျှော်လင့်ချက် ကအမှုမှန်ပေါ်ဖို့ပဲ။ တရားခံရော တရားလိုရော ဘယ်သူဘယ်ဝါရဲ့ အမျိုးတော်စပ်နေပါစေ အစိုးရဘက်ကနေ တရားမျှတစွာ တရားစီရင်ပေးဖို့ပဲအားလုံးက လိုလားကြတယ်၊ တရားမျှတစွာ မဆောင်ရွက်ပေးရင်တော့  မလိုလားအပ်တဲ့ ပြဿနာတွေ ဖြစ်ပေါ်လာမှာ စိုးရိမ်ရပါတယ်” ဟု အလောင်းဖော်ရာတွင် လိုက်ပါ ဆောင်ရွက်ပေးခဲ့သည့် နမ့်ခမ်းဒေသခံ စိုင်းခမ်း ကပြောသည်။

အလောင်းကိုလည်းသင်္ချိုင်းကုန်းရှိ၎င်း၏ကျင်းတွင်ပင်လူအများရှေ့မှောက်ခွဲစိတ်စစ်ဆေးပြခဲ့ကြောင်း၊ သေဆုံးသူ၏ ခန္ဓာ ကိုယ်ပေါ်တွင် ထင်ရှားတွေ့နေသောဒဏ်ရာများမှာ လက်နှစ်ဖက်ဓါးဒဏ်ရာကြောင့် လက်ဆစ် တွဲလောင်းဖြစ် နေခြင်း၊ ဦးခေါင်းတွင် ၄ လက်မခွဲလောက် ပေါက်ပြဲနေပြီး ဦးနှောက်အထိ ဒဏ်ရာရရှိနေခြင်း၊ မျက်နှာပေါက်ပြဲ၊ ပုခုံးတွင်လည်း ပေါက်ပြဲ နေခြင်းနှင့် ကျောပြင်တွင် ၂ လက်မခန့် ရှိသောဓါးထိုးရာရှိပြီး အဆုတ်အထိ ဓါးစိုက်ဝင်ထားသော ဒဏ်ရာတွေ့ရကြောင်း  စိုင်းခမ်း ကသျှမ်းသံတော်ဆင့်သို့ ပြောသည်။

တရားမျှတစွာ မဆောင်ရွက်ပေးနိုင်ပါက မူစယ်နှင့်နမ့်ခမ်းမြို့ရှိ လူငယ်များပူးပေါင်း ဆန္ဒထုတ်ဖော်မည်ဟု သတင်း များ ထွက်ပေါ်နေသည်။ ယခုအချိန်အထိ တရားခံဖြစ်သော တရုတ်လူမျိုး ပြည်သူ့လွှတ်တော် အမတ် ဦးကျော်မြင့် (ပန်းဆေးပြည့်သူစစ်ခေါင်း ဆောင်)၏တူ ငွေနဂါးသောက်ရေသန့်ပိုင်ရှင် ဦးထွန်းမြင့်(ကွယ်လွန်)၊ ဒေါ်စိန်မေ တို့၏သား ရဲအောင်ထွေး(ခ)လိဖန် တစ်ဦးတည်းသာ ဖမ်းဆီးရမိထားကြောင်း အပေါင်းအပါ  ၃ ဦးမှာလွတ်မြောက်နေ သေးကြောင်း သိရသည်။

သျှမ်းသံတော်ဆင့်

Read more...