5.9.2013
နှစ်ပေါင်းကြာရှည်စွာ နိုင်ငံတကာအလယ် အထီးကျန်ခဲ့ရသော မြန်မာနိုင်ငံ၏ ရှေးဟောင်း အနုပညာလက်ရာများကို အမေရိကန်နိုင်ငံ နယူးယောက်မြို့ရှိ Asia Society ပြတိုက်တွင်ပြသနိုင်ရန် ပြတိုက်တာဝန်ရှိသူများနှင့် ရှေးဟောင်းသုတေသန၊ အမျိုးသားပြတိုက်နှင့် စာကြည့်တိုက်ဦးစီးဌာန၊ တာဝန်ရှိသူများ ညှိနှိုင်းစီစဉ်လျက် ရှိကြောင်း ယင်းဌာန ဒုတိယ ညွှန်ကြားရေးမှူး ဦးသိန်းလွင်က ပြော ကြားသည်။
ပြတိုက်တွင် ၂၀၁၅ ခုနှစ်၌ စတင် ပြသမည်ဖြစ်ပြီး မြန်မာနိုင်ငံ၏ ယဉ်ကျေးမှု ဆိုင်ရာ အရေးပါသော ပြယုဂ်တစ်ခုဖြစ်လာမည် ဖြစ်ကြောင်း၊ လက်ရှိတွင် နိုင်ငံတွင်းမှ ရှေးကျပြီး လက်ရာမြောက်သော အနုပညာ ပစ္စည်းများကို စတင်ရှာဖွေနေပြီ ဖြစ်ကြောင်း Asia Society ပြတိုက်၏ ဒါရိုက်တာ Melissa Chiu က ပြောကြား ကြောင်း The New York Times သတင်းဌာန ဝက်ဘ်ဆိုက်တွင် ဖော်ပြထား သည်။
မြန်မာနိုင်ငံရှိ ရှေးဟောင်းဘုရား ဆင်းတုတော်များ၊ ဗုဒ္ဓဆိုင်ရာ ရှေးဟောင်း အနုပညာလက်ရာများနှင့် မြန်မာနိုင်ငံရှိ ပြတိုက်များတွင် ပစ်ပယ်ခံထားရသော ရှေးဟောင်းလက်ရာ အနုပညာပစ္စည်းများ စုစုပေါင်း ၇၀ ကျော်ခန့် ပြသသွားမည်ဖြစ်ကြောင်း ယင်းသတင်းက ဆက်လက်ဖော်ပြသည်။
Asia Society ကို အစိုးရမဟုတ်သော အဖွဲ့အစည်းတစ်ရပ်အဖြစ် ၁၉၅၆ ခုနှစ်တွင် စတင်ဖွဲ့စည်းခဲ့ကာ ပညာရေး၊ အနုပညာနှင့် စီးပွားရေးဆိုင်ရာ လုပ်ငန်းများ၊ မူဝါဒများကို အာရှနိုင်ငံအတွင်း ဆောင်ရွက်လျက်ရှိပြီး အမေရိကန်နိုင်ငံ နယူးယောက်မြို့တွင် Asia Society Museum ကို ဖွင့်လှစ်ထားရှိသည်။
The Voice Weekly
