တိုင်းဝန်ကြီးချုပ်နှစ်ဦး အိန်္ဒိယအရှေ့မြောက်ပြည်နယ်များ စီးပွားရေးဆွေးနွေးပွဲတက်ရောက်မည်

31.10.2013

အိန်္ဒိယနိုင်ငံ အာသံပြည်နယ်တွင် နိုဝင်ဘာလ၂၂ရက် မှ ၂၄ ရက်အထိ ကျင်းပမည့် အိန်္ဒိယ အရှေ့မြောက် ပြည်နယ်များ စီးပွားရေးဆွေးနွေးပွဲသို့ စစ်ကိုင်းတိုင်းဝန်ကြီးချုပ် ဦးသာအေးနှင့် မန္တလေးတိုင်းဝန်ကြီးချုပ် ဦးရဲမြင့်တို့ နှစ်ဦးတက်ရောက်မည်ဖြစ်သည်ဟု အောက်တိုဘာ၂၉ရက်ထုတ် မဏိပူရ်ပြည်နယ် ထုတ် သတင်းစာများ ဖော်ပြချက်အရသိရသည်။

ထိုစီးပွားရေး ဆွေးနွေးပွဲများသည် အလွန်အလားအလာကောင်းမွန်လျက်ရှိပြီး နှစ်နိုင်ငံပြည်သူများ အတွက်ဆက်သွယ်ရေး၊ ကျန်းမာရေး၊ စီးပွားရေး၊ ပညာရေးကဏ္ဍများ အလားအလာ ကောင်းမည် ဟု မျှော်လင့်ကြောင်း ၀န်ကြီးချုပ်များခရီးစဉ်တွင် လိုက်ပါမည့် မန်းဂီရိစက်မှုလုပ်ငန်း ကုမ္ပဏီလီမိတက် မန် နေဂျင်းဒါရိုက်တာ ဦးထွန်းရွှေက ပြောသည်။

၎င်းက “ပိုပြီးကောင်းလာမယ်လို့ မျှော်လင့်ထားတယ်။ ပညာရေးလမ်းကြောင်းကတော့ ဖွင့်ထားပြီ ။ နှစ်နိုင်ငံကုန်သွယ်မှုစာရင်းမှာ Items တွေတိုးလာမယ်။ အိန်္ဒိယဘက်မှာ မြန်မာကုန်ပစ္စည်း ဘာတွေပိုလို အပ်မလဲ။ ဟိုဘက်၊ ဒီဘက်ကုန်သည်တွေ ဆွေးနွေးပြီး ကျွန်တော်တို့တင်ပြသွားမယ်။ ကုန်သွယ်နိုင်တဲ့ ကုန်ပစ္စည်းအမျိုးအစားတွေ တိုးလာမယ်ပေါ့ဗျာ” ဟု ဆိုသည်။

ယင်းအပြင် မြန်မာနိုင်ငံနှင့် အိန်္ဒိယနိုင်ငံကုန်သွယ်မှုသည် မြန်မာ-ထိုင်း၊ မြန်မာ-တရုတ်နိုင်ငံများ ကုန် သွယ်မှုထက် နည်းပါးနေသေးကြောင်းလည်း ဦးထွန်းရွှေက ပြောသည်။ ယခု အိန်္ဒိယ - မြန်မာနယ်စပ် ကုန်သွယ်ရေးတွင် တရားဝင်တင်သွင်းခွင့်ပြုထားသည့် ကုန်စည်အရေအတွက်မှာ ၆၂မျိုး ဖြစ်သည်။

အိန်္ဒိယ-မြန်မာ ကုန်သွယ်ရေး ပိုမိုကောင်းမွန်စေရန်အတွက် လမ်းပန်းဆက်သွယ်ရေး ကောင်းမွန်ရန်၊ မိုးရေး-တမူး ဘဏ်စနစ်ကောင်းမွန်မှုများရှိရန် လိုနေသေးကြောင်းလည်း ဦးထွန်းရွှေက ပြောသည်။

၂၀၁၃ ခုနှစ် ဇန်န၀ါရီလက အိန်္ဒိယ နိုင်ငံ၏အရှေ့မြောက်ဒေသ ခုနစ်ပြည်နယ်၏ စီးပွားရေး ထိပ်သီးဆွေးနွေးပွဲ (NEBS)သို့ မြန်မာနိုင်ငံမှ စစ်ကိုင်းတိုင်းဝန်ကြီးချုပ်ဦးသာအေး တက်ရောက်ခဲ့ဖူးသည်။

Mizzima