ပုဂံဈေးအား ယမန်နှစ်က မြင်တွေ့ရစဉ် (ဓာတ်ပုံ-ကိုနော်(ပုဂံ))
25.9.2013
Written by လှမြင့် (ရန်ကုန်တက္ကသိုလ်)
ပြည်သူကြားမှာ အမှန်ရှာဟူသော အတွေးအမြင်သည် ဒီမိုကရေစီ စနစ်၏ အနှစ်အရသာကို ဖော်ကျူးသော လှုံ့ဆော်စည်းရုံးမှု ဖြစ်သည်။ ဒီမိုကရေစီဟူသည် ပြည်သူတို့၏ ဆန္ဒအရ ပြည်သူ့ ကိုယ်စားလှယ်များဖြင့် နိုင်ငံအုပ်ချုပ်သော စနစ်တစ်မျိုးဟူ၍ မြန်မာအဘိဓာန်ကျမ်း၌ အဓိပ္ပာယ် ဖွင့်ဆိုထားသည်။ ထို့ကြောင့် ပြည်သူတို့၏ ဆန္ဒနှင့်အညီ ဒီမိုကရေစီ စနစ်ကို ထူထောင်ရေးတွင် ပြည်သူကြားမှာ အမှန်ရှာဟူသော အတွေးအမြင်သည် ထက်မြက်စူးရှ လေးနက်သော အတွေးအခေါ်နှင့် လုပ်ရပ်ဖြစ်သည်။
နယ်ချဲ့ဆန့်ကျင်ရေး ကာလသမိုင်း တစ်လျှောက်၌ ပြည်သူကြားမှာ အမှန်ရှာဟူသော အတွေးအမြင်ကို လက်ကိုင်ပြု၍ လက်တွေ့အကောင်အထည်ဖော် ကြိုးပမ်းဆောင်ရွက်ခဲ့သော ပုဂ္ဂိုလ်ကြီးမှာ စာပေလွတ်လပ်ရေးနှင့် ငြိမ်းချမ်းရေးဖခင် စာဆိုကြီး သခင်ကိုယ်တော်မှိုင်း (ခရစ်နှစ် ၁၈၇၆-၁၉၆၄) ပင် ဖြစ်သည်။ ထိုနည်းတူ နယ်ချဲ့ဆန့်ကျင်ရေး ကာလ၏ ၁၉၃၀ ပြည့်နှစ်ဝန်းကျင်မှ စတင်ကာ ပြည်သူကြားမှာ အမှန်ရှာဟူသော အတွေးအမြင်ကို လက်ကိုင်ပြု၍ စာပေတာဝန်ကို ထမ်းဆောင်ခဲ့သော လူငယ်စာဆိုရှင် တစ်ဦးမှာ အမျိုးသားရေး စာဆိုကြီးဖြစ်သော ဆရာဇော်ဂျီ (ဦးသိန်းဟန်) (ခရစ်နှစ် ၁၉၀၇-၁၉၉၀)ဖြစ်သည်။
မြန်မာ့နိုင်ငံရေး ခေါင်းဆောင်များသည် မြန်မာပြည်သူတို့၏ စည်းလုံးရေးကို ပြိုကွဲအောင် သွေးကွဲအောင် ပြုလုပ်နေသော မူရင်းလက်သည် ဗြိတိသျှနယ်ချဲ့ အစိုးရအား အလေးထားဆန့်ကျင် တော်လှန်ရမည့်အစား မြန်မာပြည်သူ အချင်းချင်းသာ ပြန်လည်တိုက်ခိုက် ဆန့်ကျင်ခဲ့သည်။ အိမ်ကြက်ချင်း အိုးမည်သုတ်၍ ခွပ်နေကြသည်။ ထိုသို့သော နယ်ချဲ့တို့၏ နိုင်ငံရေး ပရိယာယ်ကို ပြည်သူများ သတိထားမိစေရန် နိုင်ငံရေးနှင့် အမျိုးသားရေး အတွေးအမြင် နိုးကြားရှင်သန် လာစေရန် ရည်စူးလျက် အမျိုးသား အထက်တန်း ကျောင်းဆရာ ဆရာဇော်ဂျီသည် ၁၉၃၃ ခုနှစ်တွင် ဂန္ထလောက မဂ္ဂဇင်း၌ တိမ်လွှာဟူသော ခေတ်စမ်းကဗျာကို ရေးဖွဲ့၍ နိုင်ငံရေး ခေါင်းဆောင်များ ၀ိဝါဒစနစ်များ ကွဲပြား၍ ၀ါးအစည်း ပြေသကဲ့သို့ ဖြစ်နေသည့်အစား မြန်မာပြည်သူ ပြည်သားတို့၏ နယ်ပယ်အတွင်းမှ ပြည်သူတို့၏ လိုလားချက်နှင့် ဆန္ဒများကို ရှာဖွေ၍ အမှန်တရားကို ဖော်ထုတ်ကာ ပြည်သူ့အကျိုးပြု လုပ်ရပ်များကို လုပ်ဆောင်ရန် ပြည်သူကြားမှာ အမှန်ရှာ အတွေးအမြင်ကို
"စိတ်ရင်းဖြူစင်ကြည်နှင့်
မြေဆီကိုအတန် မြည်းကာပ၊
မြေသီးကို နာနာခဲပါလို့
ရဲတော့မည့် ဟန်ကိုဆင်လိုက်ပေါ့၊
စ်ာန္ခင္သူ စ်ာန္ကစားသလိုပါ့၊
မြေခင်သူ မြေမှာတွားကာဖြင့်
အားသစ်မယ်လေး" ဟူ၍ ရေးဖွဲ့လှုံ့ဆော် ခဲ့သည်။
ဆရာဇော်ဂျီ၏ တိမ်လွှာကဗျာသည် ၁၉၃၄ ခုနှစ် ၀န်းကျင်တွင် နယ်ချဲ့အစိုးရ၏ အုပ်ချုပ်ရေး စနစ်များကို နယ်ချဲ့အကြိုက် လုပ်ကိုင်ဆောင်ရွက်ကာ ပြည်သူတို့၏ ဘ၀နှင့်ဆန္ဒကို မျက်ကွယ်ပြုနေခဲ့ကြသော နယ်ချဲ့အလိုတော်ရိ မြန်မာအမတ်နှင့် ၀န်ကြီးတို့၏ အသိုင်းအ၀ိုင်းတွင် ဂယက်ရိုက်ခတ် စေခဲ့သည်။
မြန်မာပြည်သူ ပြည်သားတို့၏ နယ်ပယ်အတွင်းမှ ပြည်သူတို့၏ လိုလားချက်နှင့် ဆန္ဒများကို ရှာဖွေ၍ အမှန်တရားကို ဖော်ထုတ်ကာ ပြည်သူ့အကျိုးပြု လုပ်ရပ်များကို လုပ်ဆောင်ရန် ပြည်သူကြားမှာ အမှန်ရှာ အတွေးအမြင်ကို . . . . .
ထိုသို့ နိုင်ငံရေး နယ်ပယ်တွင် ဂယက်ရိုက်ခတ်စေခဲ့သော တိမ်လွှာကဗျာကို ရေးဖွဲ့ပြီး မကြာမီ အချိန်မှာပင် ဆရာဇော်ဂျီသည် ပုဂံဈေးဟူသော ပင်ကိုရေး ၀တ္ထုတို တစ်ပုဒ်ကို ရေးသားခဲ့ပြန်သည်။ ပုဂံဈေး ၀တ္ထုတိုသည် ပြည်သူလူထု၏ အကြားတွင် အမှန်တရားကို ရှာဖွေခဲ့သော အရပ်သားတစ်ဦးနှင့် ပေစာ၊ ပေထုပ်များ အကြားတွင်သာ အဖြေရှာပေးခဲ့သော ပညာရှိများ၏ အနှစ်သာရ ကွာခြားပုံကို ဖော်ကျူးလှောင်ပြောင် သရော်ရေးဖွဲ့ခဲ့မှု ဖြစ်သည်။ တစ်နည်းဆိုရသော် ပုဂံဈေး ၀တ္ထုတိုသည် စာအုပ်ကြီးသမားနှင့် ဒိဋ္ဌလောက လက်တွေ့မျက်မြင် သမားတို့၏ အတွေးအမြင်နှင့် ခံယူချက် အနှစ်သာရ ကွဲပြားခြားနားမှုကို ခေတ်ရေစီးကြောင်း မီးမောင်းထိုးပြခဲ့သော အတွေးအခေါ်သစ် ၀တ္ထုတို တစ်ပုဒ်ဖြစ်သည်။ ပုဂံဈေး ၀တ္ထုတို၏ ဇာတ်လမ်းအကျဉ်းချုပ်မှာ ဤသို့ဖြစ်သည်။
တစ်ရံရောအခါ ပုဂံပြည်၌ တရုတ်ကုန်သည် အချို့နှင့် ပုဂံသားတို့သည် ရွှေစည်းခုံ စေတီအနီးတွင် တွေ့ကြစဉ် ပုဂံသားတို့က "နင်တို့သည် ရွှေချည်ထိုး ငွေချည်ထိုး အင်္ကျီကိုသာ ၀တ်တတ်သည်။ နွားကိုတင်၍ ကုန်စည်ကိုသာ ရောင်းချတတ်သည်၊ စားကောင်းသောက်ဖွယ်ကိုသာ စားသောက်တတ်သည်" ဟု ပြက်ရယ်ပြုကြလေသည်။ ထိုအခါ တရုတ်ကုန်သည်များက "နင်တို့သည် ဖျင်ဝါဂွမ်းထည်ကိုသာ ၀တ်တတ်သည်။ သူများကရောင်းသော ကုန်ပစ္စည်းကိုသာ ၀ယ်တတ်သည်။ ဟင်းညံ့ကျွေးညံ့ကိုသာ စားတတ်သည်" ဟု ပြန်ပြောဆိုကြသည်။
ရွှေစည်းခုံ စေတီအနီး၌ အချင်းများသော စကားသည် ပုဂံပြည့်ရှင်ထံ ရောက်ရှိသွားသောကြောင့် တရုတ်ကုန်သည်မှူးအား ခေါ်ယူ၍ ပညာချင်း ဖက်ပြိုင်လိုကြောင်း တရုတ်ဘုရင်ထံ သ၀ဏ်လွှာ ပေးပို့ခဲ့သည်။ လပေါင်း အတော်ကြာတွင် တရုတ်သံအမတ် ခေါင်းဆောင်သောအဖွဲ့ ပုဂံပြည်သို့ ရောက်ရှိလာပြီး တရုတ်ဘုရင်၏ သ၀ဏ်လွှာကို ဆက်သသည်။ ယင်းသ၀ဏ်လွှာတွင် "မရှိ၍ ရှိသူ၊ ရှိ၍ မရှိသူ" ဟူသော ပြဿနာကို တင်ပြ၍ မြန်မာပညာရှင်တို့အား ဖြေကြားစေခဲ့သည်။ ပုဂံပြည့်ရှင်သည် သုခမိန်တို့ကို မရှိ၍ ရှိသူ၊ ရှိ၍ မရှိသူဟူသော ပြဿနာ၏ အဖြေမှန်ကို ခုနစ်ရက်အတွင်း တင်ပြစေသည်။
ပုဂံမင်း၏ ပညာရှိ သုခမိန်တို့သည် သိမ်းဆည်းစုဆောင်းထားသော ပေထုပ်အားလုံးကို လှန်လှောကြည့်ရှု အဖြေရှာကြသည်။ မျက်စိညောင်းခြင်း၊ မျက်ရည်ယိုခြင်းသာ အဖတ်တင်၍ အဖြေကို ရှာ၍မရနိုင်ကြပေ။ ခုနစ်ရက် မြောက်သောနေ့တွင် ပုဂံပြည့်ရှင်သည် မိမိ၏ အားကိုးရသော ပညာရှိ သုခမိန်တို့ထဲမှ အဖြေမှန် မရနိုင်မှန်း သိရှိသောကြောင့် ပုဂံပြည်တွင်းသို့ အကြိုအကြားမကျန် မောင်းကြော်စေ၍ မရှိ၍ ရှိသူ၊ ရှိ၍ မရှိသူ ပြဿနာ၏ အဖြေမှန်ကို ဖော်ထုတ်နိုင်မည့် ပညာရှင်စစ်စစ်ကို ပြည်သူအကြားတွင် ရှာဖွေစေခဲ့သည်။ ပုဂံဈေးအနီး လှည်းတစ်စီးပေါ်၌ ပေရွက်စုတ်တစ်ခုကို အပျင်းပြေ ဖတ်ရှုနေသော လုလင်တစ်ဦးက အဖြေကို ရှာနိုင်ကြောင်း ပြောဆိုသောကြောင့် ပုဂံမင်းက ပေထုပ်တို့တွင် ပြဿနာ၏ အဖြေရှာရန် ခွင့်ပေးခဲ့သည်။ လုလင်က ပေထုပ်ကို မတောင်း၊ ပန်းချီကျော်၊ ပန်းပုကျော်၊ လက်သမားကျော် သုံးဦးကိုသာ တောင်းခံ၍ ပြဿနာကို ဖြေကြားခဲ့သည်။
ရှေးဦးစွာ လွှတ်တော်အနီးတွင် လှပသော တဲကန္နားတစ်ခု ဆောက်စေ၍ တဲကန္နားအတွင်း၌ စင်မြင့်ဆောက်ကာ အခန်းနှစ်ခန်း ခွဲခြားထားပြီး ကန့်လန့်ကာနှစ်ခု ကာရံစေသည်။ တစ်ခန်းတွင် မရှိ၍ ရှိသူဟူ၍ စာတမ်းထိုးသည်။ ကျန်တစ်ခန်းတွင် ရှိ၍ မရှိသူဟူ၍ စာတမ်းထိုး၍ ကန့်လန့်ကာများ ဖုံးလွှမ်းထားစေသည်။ ပုဂံမင်းနှင့် တရုတ်သံအဖွဲ့အား မရှိ၍ရှိသူ စာတမ်းထိုးထားသော အခန်းကို ဖွင့်ပြခဲ့သည်။ ဆင်းရဲသား အသွင်ရှိသော ယောက်ျားသုံးဦး၏ ပုံပန်းချီကား သုံးချပ် ပေါ်လာသည်။ ယာဘက်ပုံတွင် လေးနက်စွာ စဉ်းစားနေသော မျက်နှာအမူအရာ ရှိသူသည် လက်တွင်ကညစ်နှင့် ပေရွက်ကို ကိုင်ထားသည်။ နောက်ခံတွင် ဆွတ်စားမကုန်နိုင်သော ပဒေသာပင်အောက်၌ လူအများ ပျော်ရွှင်စွာ နေထိုင်ကြပုံကို ရေးခြယ်ဖော်ပြထားသည်။ အလယ်ပုံတွင် ရဲရင့်၍ အံကြိတ်နေသော မျက်နှာအမူအရာ ရှိသူ၏ပုံကို ဖော်ပြ၍ နောက်ခံတွင် ပြောင်လက်စွာ ၀တ်ဆင်ထားသော သူတို့က စုတ်နုပ်စွာ ၀တ်ဆင်ထားသော သူတို့အား နွားကဲ့သို့ လှည်း၌တပ်၍ မောင်းနေကြပုံကို ဖော်ပြထားသည်။ လက်ဝဲပုံတွင် မျက်လွှာချနေသော မျက်နှာအမူအရာ ရှိသူ၏ ပုံကိုဖော်ပြ၍ နောက်ခံတွင် စေတီတစ်ဆူကို လည်းကောင်း၊ သရက်၊ ပိန္နဲ၊ မာလကာ၊ ငှက်ပျော စိုက်ပျိုးနေကြသော သူတို့၏ပုံကို ဖော်ပြထားသည်။
ရှိ၍ မရှိသူ စာတမ်းရေးထိုးထားသော အခန်းကို ဖွင့်ပြရာတွင် လှပသော တိုက်ခန်းပုံ ပန်းချီကား၏ ရှေ့တွင် ပန်းပုထုထားသော ယောက်ျားအရုပ်တစ်ခု ပေါ်လာသည်။ ထိုအရုပ်ကို မိန်းမရုပ် ၁၀ ရုပ်ရံလျက် အလုပ်အကျွေး ပြုနေသည်။ ထိုယောက်ျားရုပ်၏ ရှေ့၌ စားကောင်းသောက်ဖွယ် ပွဲစုံကြီး တည်ခင်းထားသည်။ ထိုယောက်ျားရုပ်တွင် လောဘမျက်နှာ အမူအရာ ရှိသည်။
တရုတ်သံအမတ်သည် ယင်းအရုပ်ကို လက်ညှိုးထိုး၍ "သူ ဒီလိုပဲ နေသလား" ဟု လုလင်ကို မေး၏။ လုလင်က ခေါင်းညိတ်လိုက်သည်။ ပုဂံနန်းတွင်း ညီလာခံတွင် တရုတ်သံအမတ်သည် ပုဂံပြည့်ရှင်မင်းအား လက်ဆောင်ပဏ္ဍာများ ဆက်သ၍ ပုဂံပြည်သည် တိုင်းပြည်အ၀န်း ငယ်သော်လည်း ရဲရင့်လှသည်ဟု ချီးမွမ်းခဲ့သည်။
ပုဂံဈေး ၀တ္ထုတိုတွင် ဆရာဇော်ဂျီသည် ပေထုပ်သုခမိန်တို့ မဖြေနိုင်သော မေးခွန်းကို ပြည်သူလူထု အတွင်းမှ အရပ်သား လုလင်ပျိုတစ်ဦးက ဖြေဆိုနိုင်ပုံ၊ ဘ၀အမှန်တရားအတွက် အဖြေရှာရာတွင် ပြည်သူကြားတွင်သာ ရှာသင့်ပုံ၊ စာတွေ့ထက် လူ့လောက အတွေ့အကြုံက ပို၍တန်ဖိုးရှိပုံတို့ကို ဖော်ထုတ်တင်ပြ ခဲ့သည်။ ပြည်သူအကြားတွင် အမှန်ရှာမှုနှင့် ပေထုပ်အကြားတွင် အဖြေရှာမှုတို့၏ အနှစ်သာရ ကွာခြားပုံကို-
"ပုဂံဈေးကား လူအမျိုးမျိုး လူအစားစားတို့ ကျက်စားရာနေရာ ဖြစ်ပေသည်။ ရယ်သံ၊ ငိုသံ၊ ရန်ဖြစ်သံ၊ ညည်းညူသံတို့ဖြင့် အုတ်အုတ်ကျက်ကျက် အော်မြည်လျက် နေလေသည်။ အသွားအလာ၊ အပြေးအလွှား တို့ဖြင့်လည်း လှုပ်ရှားလျက် နေလေသည်" ဟူ၍လည်းကောင်း-
"လုလင်သည် နန်းတော်မှ ထွက်ခဲ့လေသည်။ လမ်းတွင် တရုတ်သံအမတ်၏ ထမ်းစင်သည် မီလာ၍ သံအမတ်က လုလင်လေ့လာသော ပေထုပ်ကို ငါကြည့်ချင်သည်ဟု ဆို၏။ ထိုအခါ လုလင်က အမတ်မင်း ကျွန်ုပ်လေ့လာသော ပေထုပ်ကား အခြားမဟုတ် ပုဂံဈေးပင် ဖြစ်တော့သည်ဟု ပြန်ပြောလေသည်။ ထိုအခါ တရုတ်သံအမတ်ကြီးက လုလင်ကောင်းလေစွ။ ငါတို့ပြည်သို့ လုလင်လိုက်ခဲ့လျှင် ငါတို့၏ ဘုရင်သည် လုလင်အား မြတ်နိုးတော် မူပေမည်ဟု ဆိုလေ၏။ ပုဂံဈေးလုလင်သည် ချိုပြုံးသော မျက်နှာဖြင့် ကျေးဇူးဥပကာရ တင်ပါကြောင်း ပြန်ပြော၍ ကျွန်တော်မလိုက်လိုပါ။ ကျွန်တော်သည် ပုဂံကိုပို၍ မြတ်နိုးပါသည်ဟု ဆိုရင်း ပုဂံဈေးအနီးသို့ ရောက်လာလေသည်" ဟူ၍လည်းကောင်း တင်ပြဖွဲ့ဆိုခဲ့သည်။
ပုဂံဈေးဝတ္ထုတို ပေါ်ထွက်လာသော အခါတွင် ဆရာဇော်ဂျီ၏ ပတ်ဝန်းကျင်ရှိ ပညာရှိ အချို့က ဆရာဇော်ဂျီအား ငြိုငြင်ခဲ့ဖူးသည်ဟု အဆိုရှိခဲ့သည်။ သို့ရာတွင် ဆရာဇော်ဂျီသည် အမှုမထားဘဲ အမှန်တရားကို လက်ကိုင်ထား၍ ပြည်သူကြားမှာ အမှန်ရှာဟူသော ခံယူချက်ဖြင့် ကလောင်လမ်းကို သစ္စာရှိသော ကလောင်ထမ်းလျက် သေတစ်ပန် သက်တစ်ဆုံး လျှောက်လှမ်းခဲ့သည်။
ကျမ်းကိုး-
၁။ ဆရာဇော်ဂျီစာပေါင်းချုပ်(ပထမတွဲ)
၂။ ဇော်ဂျီ ရာပြည့်မဂ္ဂဇင်း(၁၉၀၇-၂၀၀၇)
၃။ မြန်မာနိုင်ငံရေးသမိုင်း (ဦးလေးမောင်)
Credit to >Eleven Media Group< Thanks
